皇家金边大学公布2025-2026学年欧盟奖学金执行情况

ការអនុវត្តកម្មវិធីអាហារូបករណ៍ RUPP-EU ឆ្នាំសិក្សា ២០២៥–២០២៦ សាកលវិទ្យាល័យភូមិន្ទភ្នំពេញ (RUPP)៖ នាថ្ងៃទី១០ ខែកក្កដា ឆ្នាំ២០២៦ ក្រោមការដឹកនាំរបស់ លោក កៀន តាក់ សាកលវិទ្យាធិការរង តំណាងដ៏ខ្ពង់ខ្ពស់របស់ ឯកឧត្តមសាស្ត្រាចារ្យ សាកលវិទ្យាធិការ សាកលវិទ្យាល័យភូមិន្ទភ្នំពេញ បានរៀបចំកិច្ចប្រជុំបង្ហាញរបាយការណ៍ស្តីពីការអនុវត្តកម្មវិធីអាហារូបករណ៍ EU–RUPP ឆ្នាំសិក្សា ២០២៥–២០២៦ ក្រោមក្របខណ្ឌកម្មវិធីភាពជាដៃគូសហភាពអឺរ៉ុប–កម្ពុជា លើបរិវត្តកម្មអប់រំបច្ចេកទេស ឆ្នាំ២០២៤–២០២៧។ កិច្ចប្រជុំបានបង្ហាញវឌ្ឍនភាពនៃការអនុវត្តកម្មវិធី រួមមានការជ្រើសរើសនិស្សិត ការចុះឈ្មោះចូលសិក្សា ការតាមដានវត្តមាន និងលទ្ធផលសិក្សា ស្របតាមគោលការណ៍ណែនាំរបស់កម្មវិធី។ សម្រាប់ឆ្នាំសិក្សា ២០២៥–២០២៦ កម្មវិធីបានទទួលពាក្យស្នើសុំអាហារូបករណ៍សរុប ១៩៤ នាក់ និងបានជ្រើសរើសនិស្សិតចូលសិក្សាចំនួន ៣៤ នាក់ ក្នុងនោះមាននិស្សិតស្រី ១៨ នាក់ (ប្រមាណ ៥៣%)។ គិតត្រឹមត្រីមាសទី២ ឆ្នាំ២០២៦ មិនមានករណីបោះបង់ការសិក្សាទេ ហើយនិស្សិតភាគច្រើនមានវត្តមានទៀងទាត់ និងគោរពតាមលក្ខខណ្ឌរបស់កម្មវិធី។ កម្មវិធីអាហារូបករណ៍ EU–RUPP បានបន្តរួមចំណែកក្នុងការពង្រីកឱកាសសិក្សាលើវិស័យ STEM លើកកម្ពស់សមភាពក្នុងការទទួលបានការអប់រំ និងអភិវឌ្ឍធនធានមនុស្សប្រកបដោយគុណភាព។ សាកលវិទ្យាល័យភូមិន្ទភ្នំពេញ សូមថ្លែងអំណរគុណដល់ សហភាពអឺរ៉ុប និងដៃគូពាក់ព័ន្ធទាំងអស់ ដែលបានបន្តគាំទ្រ និងសហការក្នុងការអនុវត្តកម្មវិធីអាហារូបករណ៍នេះ ដើម្បីរួមចំណែកលើកកម្ពស់គុណភាពអប់រំ និងការអភិវឌ្ឍធនធានមនុស្សសម្រាប់កម្ពុជា។ #RUPP #EU #Scholarship #HigherEducation #STEM