皇家金边大学社区发展系举办实习报告答辩，展示学生在公共行政

ថ្ងៃពុធ ១០កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៤ ខែមិថុនា ឆ្នាំ២០២៦ ដេប៉ាតឺម៉ង់អភិវឌ្ឍន៍សហគមន៍ នៃមហាវិទ្យាល័យសិក្សាអភិវឌ្ឍន៍ សាកលវិទ្យាល័យភូមិន្ទភ្នំពេញ (RUPP) មានកិត្តិយសរៀបចំកម្មវិធីការពាររបាយការណ៍កម្មសិក្សារបស់និស្សិត ដែលជាវេទិកាដ៏មានសារៈសំខាន់សម្រាប់និស្សិតក្នុងការបង្ហាញចំណេះដឹង បទពិសោធន៍ និងលទ្ធផលដែលទទួលបានពីការចុះកម្មសិក្សាជាក់ស្តែង។ កម្មវិធីបានចាប់ផ្តើមដោយការធ្វើបទបង្ហាញពិសេសពីក្រុមនិស្សិតឆ្នើមតំណាងប្រទេសកម្ពុជា មកពីដេប៉ាតឺម៉ង់ព័ត៌មានវិទ្យា (Department of Information Technology) ជាមួយគម្រោង “Check First” និង “Help Me”។ ការធ្វើបទបង្ហាញនេះគឺជាផ្នែកមួយនៃការត្រៀមខ្លួនសម្រាប់ការប្រកួត YICMG 2026 វគ្គផ្តាច់ព្រ័ត្រ ដែលនឹងប្រព្រឹត្តទៅនៅទីក្រុងវូហាន សាធារណរដ្ឋប្រជាមានិតចិន។ ជាមួយគ្នានេះផងដែរ វាក៏បានផ្តល់ជាគំរូល្អ និងជាប្រភពចំណេះដឹងសម្រាប់និស្សិតក្នុងការសិក្សាអំពីការអភិវឌ្ឍគម្រោង និងការដោះស្រាយបញ្ហាសង្គមប្រកបដោយភាពច្នៃប្រឌិត។ ក្នុងរយៈពេលពេញមួយថ្ងៃ និស្សិតនឹងបន្តឡើងការពាររបាយការណ៍កម្មសិក្សា ដោយចែករំលែកបទពិសោធន៍ និងការអនុវត្តការងារជាក់ស្តែងលើវិស័យសំខាន់ៗ រួមមាន៖ 🔹 រដ្ឋបាលសាធារណៈ និងអភិបាលកិច្ចមូលដ្ឋាន 🔹 សន្តិភាព សមភាពយេនឌ័រ និងសិទ្ធិស្ត្រី 🔹 ការស្រាវជ្រាវ និងការអភិវឌ្ឍសហគមន៍ 🔹 សុខភាពសាធារណៈ និងការអប់រំ ក្នុងឱកាសនេះ យើងខ្ញុំសូមកោតសរសើរចំពោះការខិតខំប្រឹងប្រែង ការតស៊ូ និងការប្តេជ្ញាចិត្តរបស់និស្សិតទាំងអស់ ហើយសូមជូនពរឱ្យការការពាររបាយការណ៍ទទួលបានជោគជ័យ និងលទ្ធផលដ៏ត្រចះត្រចង់។ ជាមួយគ្នានេះផងដែរ យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះដេប៉ាតឺម៉ង់ព័ត៌មានវិទ្យា និងមជ្ឈមណ្ឌលជាតិបណ្តុះធុរកិច្ចថ្មីនៃកម្ពុជា (NICC) ដែលបានផ្តល់ការគាំទ្រ និងកិច្ចសហការយ៉ាងល្អប្រសើរ ធ្វើឱ្យកម្មវិធីនេះប្រព្រឹត្តទៅដោយរលូន និងទទួលបានភាពជោគជ័យ។ #RUPP