柬埔寨数字技术学院（CADT）举办AI办公效率培训班

[វិទ្យាស្ថានអភិបាលកិច្ចឌីជីថល នៃបណ្ឌិត្យសភាបច្ចេកវិទ្យាឌីជីថលកម្ពុជា (CADT) សហការជាមួយរដ្ឋបាលរាជធានីភ្នំពេញ រៀបចំវគ្គបណ្តុះបណ្តាលស្តីពី "ការប្រើប្រាស់បញ្ញាសិប្បនិម្មិត (AI) ដើម្បីប្រសិទ្ធភាពការងារ" ](https://www.facebook.com/share/p/181wvRXf9D/) ---- វិទ្យាស្ថានអភិបាលកិច្ចឌីជីថល នៃបណ្ឌិត្យសភាបច្ចេកវិទ្យាឌីជីថលកម្ពុជា (CADT) បានសហការជាមួយរដ្ឋបាលរាជធានីភ្នំពេញ រៀបចំវគ្គបណ្តុះបណ្តាលស្តីពី "ការប្រើប្រាស់បញ្ញាសិប្បនិម្មិត (AI) ដើម្បីប្រសិទ្ធភាពការងារ"ចំនួន ៣វគ្គ ជូនដល់មន្ត្រីរាជការសរុបចំនួន ៥១៨រូប និងស្ត្រី ១៤៩រូប ដែលអញ្ជើញមកពីសាលារាជធានីភ្នំពេញ មន្ទីរជំនាញជុំវិញរាជធានី រដ្ឋបាលខណ្ឌទាំង ១៤ និងរដ្ឋបាលសង្កាត់ទាំង ១០៥ ដែលប្រព្រឹត្តទៅរយៈពេល ៣ ថ្ងៃ ចាប់ពីថ្ងៃទី២៧ ដល់ថ្ងៃទី២៩ ខែមករា ឆ្នាំ២០២៦។ គោលបំណងនៃកម្មវិធីនេះ គឺដើម្បីលើកកម្ពស់សមត្ថភាព និងពង្រីកចំណេះដឹងជូនដល់មន្ត្រីរាជការអំពី**បញ្ញាសិប្បនិម្មិត (AI)** ដោយផ្ដោតសំខាន់លើ **Generative AI** និង **Large Language Models (LLMs)**។ វគ្គបណ្ដុះបណ្ដាលនេះផ្ដោតលើបច្ចេកទេសបង្កើត **Prompt** ឱ្យមានប្រសិទ្ធភាព ការប្រើប្រាស់ប្រកបដោយក្រមសីលធម៌ និងការប្រើប្រាស់ AI ជាជំនួយការ ដើម្បីជំរុញល្បឿន និងប្រសិទ្ធភាពការងារប្រចាំថ្ងៃឱ្យកាន់តែប្រសើរឡើង។