皇家金边大学与中国YHFY签署教育合作MOU

សកម្មភាពចុះអនុស្សរណៈយោគយល់ (MOU) រវាងសាកលវិទ្យាល័យភូមិន្ទភ្នំពេញ (RUPP) និង Guangdong Yuehai Feiyang Education of Science and Technology Co., Ltd (YHFY)។ នាថ្ងៃសុក្រ ទី១០ ខែកក្កដា ឆ្នាំ២០២៦ មជ្ឈមណ្ឌលសហប្រតិបត្តិការសាកលវិទ្យាល័យ-សហគ្រាស (UICC) នៃសាកលវិទ្យាល័យភូមិន្ទភ្នំពេញ បានចូលរួមសម្របសម្រួលសកម្មភាពចុះអនុស្សរណៈយោគយល់ (MOU) រវាងសាកលវិទ្យាល័យភូមិន្ទភ្នំពេញ និង Guangdong Yuehai Feiyang Education of Science and Technology Co., Ltd (YHFY)។ អនុស្សរណៈយោគយល់នេះ មានគោលបំណងពង្រឹងកិច្ចសហប្រតិបត្តិការលើវិស័យអប់រំ និងការផ្លាស់ប្ដូរឲ្យនិស្សិតជនជាតិចិនបានមកផ្លាស់ប្ដូរការសិក្សា និងចូលរួមកម្មវិធីសិក្សានានានៅសាកលវិទ្យាល័យភូមិន្ទភ្នំពេញ។ សកម្មភាពនេះក៏ជាជំហានសំខាន់ក្នុងការលើកកម្ពស់ទំនាក់ទំនងសហប្រតិបត្តិការអន្តរជាតិ និងការអភិវឌ្ឍធនធានមនុស្សស្ថាប័នអប់រំផងដែរ។ ឆ្លៀតក្នុងឱកាសនេះផងដែរ សូមថ្លែងអំណរគុណយ៉ាងជ្រាលជ្រៅចំពោះ លោកសាកលវិទ្យាធិការរង កៀន តាក់ តំណាងដ៏ខ្ពង់ខ្ពស់ ឯកឧត្តមសាកលវិទ្យាធិការ ជេត ជាលី សម្រាប់ការដឹកនាំកិច្ចសហការ និងគាំទ្រលើការចុះអនុស្សរណៈយោគយល់ (MOU)នេះ ប្រកបដោយជោគជ័យ។