波雷萨监狱长深夜发文回应马德望撞人事件

ប្រធានពន្ធនាគារព្រៃសចេញប្រយោគឌឺបញ្ឈឺចិត្តទាំងយប់ ទៅកាន់យុវជនបើករថយន្ត​បុកម៉ូតូ​នៅបាត់ដំបង «បើឪពុកក្មួយឯងមិនចេះប្រដៅក្មួយឯង ក្មួយឯងចូលខ្លួនមក ចាំពូជួយអប់រំជំនួស» (ភ្នំពេញ)៖ ខ្មែរមានពាក្យមួយឃ្លាថា «យីអ៊ុនដាក់ អារក្សជាន់»។ ជាក់ស្តែងករណីយុវជន ស៊ីវ ជ័យសិដ្ឋ ដែលមានឪពុកជាមន្ត្រីនគរបាលផ្កាយ១ នៅពេលបង្កគ្រោះថ្នាក់ចរាចរណ៍​ធ្វើឱ្យមហាជនខឹងសម្បាយ៉ាងខ្លាំងនោះ កុំថាឡើយប្រជាជនទូទៅ ដែលចង់ឃើញឱ្យរូប​គេត្រូវទទួលទោសនោះ សូម្បីតែមន្ត្រីដូចគ្នាក៏គេមិនគាំទ្រនោះដែរ។ លោក នុត សាវនា ប្រធានពន្ធនាគារព្រៃស ដែលជ្រកក្រោមក្រសួងមហាផ្ទៃតែមួយជាមួយលោកផ្កាយ១ ស៊ីវ សុជាតិ ឪពុករបស់យុវជន ស៊ីវ ជ័យសិដ្ឋ ក៏គេមិនទុកមុខឱ្យនោះដែរ ហើយចេញសារបែបឌឺបញ្ឈឺចិត្តទាំងយប់លើហ្វេសប៊ុកតែម្តង។ លោក នុត សាវនា បានសរសេរថា «បើឪពុកក្មួយឯងមិនចេះប្រដៅក្មួយឯង ក្មួយឯងចូលខ្លួនមក ចាំពូជួយអប់រំជំនួស»។ នេះ គឺពិតជាមិនខុសនឹងពាក្យចាស់ខ្មែរពោលទុកមែន «យីអ៊ុនដាក់ អារក្សជាន់»៕