国土规划与建设部与韩国存款保险公司(KDIC)会谈

ឯកឧត្តមរដ្ឋលេខាធិការប្រចាំការ តឹករ៉េត សំរេច បានទទួលជួបពិភាក្សាការងារជាមួយលោក Seung Eon Kim អគ្គនាយក នៃសាជីវកម្មធានារ៉ាប់រងប្រាក់បញ្ញើកូរ៉េ (KDIC)។ ឯកឧត្តមរដ្ឋលេខាធិការប្រចាំការ បានគូសបញ្ជាក់ពីវឌ្ឍនភាពនៃកិច្ចសហប្រតិបត្តិការរវាងក្រសួងរៀបចំដែនដី នគរូបនីយកម្ម និងសំណង់ ជាមួយភាគីពាក់ព័ន្ធ និងបានថ្លែងអំណរគុណដល់ KDIC ដែលបានផ្តល់ទំនុកចិត្តដល់ក្រុមការងារក្រសួង ក្នុងការសម្របសម្រួល និងស្វែងរកដំណោះស្រាយសមស្របសម្រាប់គម្រោងកាំកូស៊ីធីនាពេលកន្លងមក។ លោក Seung Eon Kim បានសម្តែងនូវការអរគុណយ៉ាងជ្រាលជ្រៅចំពោះក្រុមការងារក្រសួង ជាពិសេសចំពោះ ឯកឧត្តមឧបនាយករដ្ឋមន្ត្រី ដែលបានផ្តល់ការគាំទ្រ និងយកចិត្តទុកដាក់ខ្ពស់លើគម្រោងនេះ។ ភាគីកូរ៉េក៏បានបង្ហាញនូវជំនឿចិត្តយ៉ាងមុតមាំថា រាល់បញ្ហានានានឹងអាចឈានទៅរកការដោះស្រាយបញ្ចប់ក្នុងពេលឆាប់ៗខាងមុខ។ ក្នុងឱកាសនោះដែរ ដើម្បីចូលរួមចំណែកសម្រាលការលំបាករបស់ប្រជាពលរដ្ឋ សាជីវកម្ម KDIC បានផ្តល់អំណោយជាអង្ករមួយចំនួន។ ឯកឧត្តមរដ្ឋលេខាធិការប្រចាំការ ក៏បានថ្លែងអំណរគុណចំពោះសណ្តានចិត្តសប្បុរសធម៌នេះ ដែលឆ្លុះបញ្ចាំងពីទំនាក់ទំនងដ៏ល្អរវាងស្ថាប័នទាំងពីរ។ ២​ មេសា ២០២៦ #ក្រសួងរៀបចំដែនដីនគរូបនីយកម្មនិងសំណង់ #MLMUPC ** **[**Join MLMUPC News**](https://t.me/MLMUPCofCambodia)** **🌐 [**Website**](https://mlmupc.gov.kh/)[ ](https://mlmupc.gov.kh/)** **🌐 [**Facebook**](https://www.facebook.com/mlmupc.pressteam)** **🌐 [**Youtube**](https://www.youtube.com/@MLMUPC_KH) 🌐 [**Tiktok**](https://www.tiktok.com/@mlmupc_kh)