西港高龙岛夜间旅游推荐 体验海滩浪漫晚餐

ទិដ្ឋភាពពេលរាត្រីនៅលើកោះរ៉ុង ខេត្តព្រះសីហនុ ដែលគ្រប់គ្នាពុំគួររំលង ក្រៅពីការគយគន់ទេសភាពធម្មជាតិដ៏ស្រស់ត្រកាល អមជាមួយឆ្នេរខ្សាច់ដ៏សក្បុស ទឹកសមុទ្រខៀវស្រងាត់ នៅក្រុងកោះរ៉ុង នៅពេលថ្ងៃ ប្រសិនបើអ្នកកំពុងស្វែងរកទីកន្លែងកម្សាន្ត លំហែរកាយនៅពេលយប់ ក្រុងកោះរ៉ុង ក៏ជាគោលដៅទីមួយដែលមិនគួរំលងផងដែរ។ នៅពេលរាត្រីមកដល់ ឆ្នេរខ្សាច់សក្បុសរបស់កោះរ៉ុងត្រូវបានបំភ្លឺឡើងដោយ ពន្លឺភ្លើងពណ៌យ៉ាងស្រស់ស្អាត បង្កើតបានជាបរិយាកាសដ៏រស់រវើក និងរ៉ូមែនទិក។ អ្វីដែលរឹតតែពិសេស និងទាក់ទាញភ្ញៀវទេសចរទាំងជាតិ និងអន្តរជាតិឱ្យមកជួបជុំគ្នា គឺ ការទទួលទានអាហារពេលល្ងាចលើឆ្នេរខ្សាច់ ភ្លក់ រសជាតិអាហារសមុស្រស់ៗ និងមុខម្ហូបឆ្ងាញ់ៗ អមដោយខ្យល់សមុទ្របក់ត្រសៀកៗ។ ការសម្តែងបង្វិលភ្លើង (Fire Show) ដែលជាទស្សនីយភាពសិល្បៈបង្វិលភ្លើងដ៏រស់រវើក បង្ហាញពីភាពប៉ិនប្រសប់ និងរំលេចពន្លឺភ្លើងយ៉ាងឆើតឆាយកណ្តាលអាកាស បង្កើតបានជាអនុស្សាវរីយ៍មិនអាចបំភ្លេចបាន។ រូបរដ្ឋបាលខេត្តព្រះសីហនុ [Website](https://www.btv.com.kh/) |[ Facebook](https://web.facebook.com/btvnewstv/) | [Telegram](https://t.me/btvnewscambodia) | [TikTok](https://www.tiktok.com/@btvcambodia)