WING银行发布防诈骗预警 严禁员工代收贷款现金

សូមប្រុងប្រយ័ត្នករណីជនខិលខូចបន្លំធ្វើជាបុគ្គលិកធនាគារ វីង! អតិថិជនទាំងអស់ជាទីគោរព ថ្មីៗនេះ មានជនខិលខូចមួយចំនួនបានបន្លំខ្លួនធ្វើជាបុគ្គលិករបស់ធនាគារ វីង ហើយប្រមូលប្រាក់បង់កម្ចីដោយផ្ទាល់ពីអតិថិជន ក្រោមហេតុផលផ្សេងៗដូចខាងក្រោម៖ 1. ប្រព័ន្ធធនាគារ វីង កំពុងមានបញ្ហាបច្ចេកទេស ហើយតម្រូវឱ្យអតិថិជនធ្វើការបង់ប្រាក់កម្ចីដោយផ្ទាល់ម្តងទៀត តាមរយៈជនខិលខូចទាំងនោះ។ 2. អតិថិជននឹងទទួលបានអត្ថប្រយោជន៍ក្នុងការបញ្ចុះតម្លៃប្រាក់បង់ប្រចាំខែ តែតម្រូវឱ្យអតិថិជនបង់ប្រាក់កម្ចីតាមរយៈបុគ្គលិក។ 3. អតិថិជនដែលបង់ប្រាក់កម្ចីយឺតយ៉ាវ ឬផ្លាស់ប្តូរតារាងបង់ប្រាក់ប្រចាំខែ ត្រូវបានតម្រូវឱ្យបង់ប្រាក់ភ្លាមៗ តាមរយៈគណនី ឬលេខទូរស័ព្ទរបស់ជនខិលខូចទាំងនោះ។ ធនាគារ វីង សូមជម្រាបរំលឹកជូនអតិថិជនទាំងអស់ឱ្យបានជ្រាបថា ធនាគារ វីង ពុំដែលមានគោលការណ៍អនុញ្ញាតឱ្យបុគ្គលិករបស់ខ្លួនទទួលប្រាក់ពីអតិថិជនឡើយ។ រាល់ការបង់ប្រាក់ បុគ្គលិកធនាគារ វីង តែងតែណែនាំឱ្យអតិថិជនដាក់ប្រាក់ចូលក្នុងគណនីដោយខ្លួនឯង ឬទៅភ្នាក់ងារ វីង ណាមួយដែលនៅជិត ដើម្បីដាក់ប្រាក់ចូលគណនី។ ប្រសិនបើអតិថិជនជួបប្រទះករណីដូចដែលបានជម្រាបជូនខាងលើ នោះគឺជាករណីឆបោក។ អតិថិជនអាចរាយការណ៍មកលេខ 023 999 989 / 012 999 489 ភ្លាមៗ ដើម្បីបញ្ជាក់ ឬមកកាន់សាខាធនាគារ វីង ណាមួយដែលនៅជិត។ សូមអរគុណ! #WingBank #ScamAlert #StaySafe