柬埔寨亡人节将至 政府呼吁社会各界捐赠支持

🇰🇭 សេចក្ដីអំពាវនាវ សូមគោរពជម្រាបជូន ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក-លោកស្រី អភិបាលខណ្ឌ ប្រធានមន្ទីរ អង្គភាព មន្ត្រីរាជការ ពាណិជ្ជករ សិប្បករ វិនិយោគិន និងសប្បុរសជនទាំងអស់! ក្នុងឱកាសពិធីបុណ្យកាន់បិណ្ឌ និងបុណ្យភ្ជុំបិណ្ឌខាងមុខនេះ សូមគោរពអំពាវនាវដល់ ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក-លោកស្រី និងសប្បុរសជនគ្រប់មជ្ឈដ្ឋាន មេត្តាចូលរួមចែករំលែកក្តីស្រឡាញ់ និងទឹកចិត្តសប្បុរស តាមរយៈការផ្តល់អំណោយជាថវិកា ស្បៀងអាហារ ឬសម្ភារប្រើប្រាស់ផ្សេងៗ តាមលទ្ធភាព និងសទ្ធាជ្រះថ្លារៀងៗខ្លួន។ ការចូលរួមឧបត្ថម្ភនេះ គឺជាការរួមចំណែកដ៏មានអត្ថន័យ ក្នុងការផ្តល់កម្លាំងចិត្ត និងការគាំទ្រដល់ កងទ័ព និងក្រុមគ្រួសារកងទ័ព ដែលកំពុងបំពេញបេសកកម្មការពារទឹកដីនៅតាមបន្ទាត់ព្រំដែនជួរមុខ ឱ្យមានភាពកក់ក្តៅក្នុងឱកាសបុណ្យប្រពៃណីជាតិខ្មែរ។ សូមរាល់ការចូលរួមរបស់បងប្អូនទាំងអស់ ប្រកបដោយសទ្ធាជ្រះថ្លា និងតាមលទ្ធភាពផ្ទាល់ខ្លួន ដោយមិនមានការបង្ខិតបង្ខំឡើយ។ រាល់ទឹកចិត្តសប្បុរស ទោះតិចក្តី ឬច្រើនក្តី សុទ្ធតែមានតម្លៃ និងជាកម្លាំងចិត្តដ៏សំខាន់សម្រាប់អ្នកដែលកំពុងបំពេញភារកិច្ចនៅជួរមុខ។ សូមអរគុណយ៉ាងជ្រាលជ្រៅចំពោះទឹកចិត្តសប្បុរស និងការចូលរួមរបស់ ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក-លោកស្រី និងសប្បុរសជនទាំងអស់។ 🙏🇰🇭 សូមជូនពរឱ្យទទួលបានសុខភាពល្អ សុភមង្គល និងសេចក្ដីចម្រើនគ្រប់ប្រការ ក្នុងឱកាសបុណ្យកាន់បិណ្ឌ និងបុណ្យភ្ជុំបិណ្ឌខាងមុខនេះ៕