柬埔寨坤塔帕花基金会募捐活动获392万美元 持续至6月底

យុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ របស់មូលនិធិគន្ធបុប្ផាកម្ពុជា ទទួលបានថវិកាសរុប ៣,៩២លានដុល្លារ ពីសប្បុរសជនចំនួន ៩៣ ១៥៦នាក់ គិតត្រឹមព្រឹកថ្ងៃទី៨ ខែមិថុនា ឆ្នាំ២០២៦។ នេះបើយោងតាមការឱ្យដឹងពី លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយសនៃមូលនិធិគន្ធបុប្ផាកម្ពុជា។ លោកជំទាវបណ្ឌិត ក៏ថ្លែងអំណរគុណដល់សប្បុរសជនទាំងអស់ដែលបានបរិច្ចាគ ដើម្បីរួមគ្នានាំក្ដីសង្ឃឹម និងភាពញញឹមដល់ទារក និងកុមារនៅកម្ពុជា។ យុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ នឹងបន្ដរហូតដល់ដំណាច់ខែមិថុនា ឆ្នាំ២០២៦។ សូមបញ្ជាក់ថា ក្នុងមួយឆ្នាំៗមន្ទីរពេទ្យគន្ធបុប្ផា ត្រូវការថវិកាប្រមាណ ៤២លានដុល្លារ ទើបអាចដំណើរការទៅបាន៕ 👉https://www.facebook.com/share/p/1LP1KrDMcE/