战争创伤照片展金边开展 含柏威夏寺受损影像

ស្នាមរបួសនៃសង្គ្រាម សោកនាដកម្មរបស់ប្រជាជន និងការបំផ្លិចបំផ្លាញហេដ្ឋារចនាសម្ព័ន្ធជាច្រើន រួមមាន ស្ពាន សាលារៀន មន្ទីរពេទ្យ និងជាពិសេសប្រាសាទព្រះវិហារ ដែលជាសម្បត្តិបេតិកភណ្ឌពិភពលោករបស់កម្ពុជា ដោយសារសង្គ្រាមឈ្លានពានរបស់ថៃមកលើកម្ពុជា កាលពីឆ្នាំ២០២៥ ត្រូវបានដាក់តាំងបង្ហាញក្នុងពិព័រណ៍រូបថតមួយ ដើម្បីបង្ហាញជូនភ្ញៀវទេសចរជាតិ និងអន្តរជាតិបានឃើញពីការឈឺចាប់ ការបាត់បង់ និងមហន្តរាយដែលសង្គ្រាមបានបន្សល់ទុកនៅលើទឹកដីកម្ពុជា។ រូបភាពទាំងនេះមិនត្រឹមតែជាសក្ខីភាពនៃការខូចខាតប៉ុណ្ណោះទេ ប៉ុន្តែថែមទាំងជាសំឡេងរំឭកដល់សហគមន៍អន្តរជាតិឱ្យបានឃើញពីតម្លៃនៃសន្តិភាព និងផលវិបាកដ៏ធ្ងន់ធ្ងរនៃសង្គ្រាម។ ពិព័រណ៍រូបថតនេះរៀបចំឡើងក្នុងឱកាសសន្និសីទថ្នាក់រដ្ឋមន្ត្រីហ្វ្រង់កូហ្វូនី នៅសណ្ឋាគារសុខាភ្នំពេញ នាព្រឹកថ្ងៃទី១៤ ខែវិច្ឆិកា ឆ្នាំ២០២៦។