爱喜利达银行出席非银行金融服务论坛 探讨资本市场发展

ធនាគារ អេស៊ីលីដា មានកិត្តិយស និងសោមនស្ស ដែលបានចូលរួមឧបត្ថម្ភ «វេទិកាផ្សព្វផ្សាយសមិទ្ធផលអាណត្តិទី១ របស់អាជ្ញាធរសេវាហិរញ្ញវត្ថុមិនមែនធនាគារ និងសន្និសីទមូលបត្រប្រចាំឆ្នាំ២០២៦» និងធ្វើជាវាគ្មិនក្នុងកិច្ចពិភាក្សាស្តីពី «សន្ទុះនៃការរីកចម្រើនរបស់ក្រុមហ៊ុន តាមរយៈទីផ្សារភាគហ៊ុននៅកម្ពុជា»។ វេទិកានេះរៀបចំឡើងដោយ អាជ្ញាធរសេវាហិរញ្ញវត្ថុមិនមែនធនាគារ និងនិយ័តករមូលបត្រកម្ពុជា នាថ្ងៃទី២៩ ខែកញ្ញា ឆ្នាំ២០២៦ ក្នុងគោលបំណងដើម្បីផ្សព្វផ្សាយអំពីសមិទ្ធផលសំខាន់ៗ ដែលសម្រេចបាននៅក្នុងអាណត្តិទី១ និងទិសដៅយុទ្ធសាស្ត្រនៅក្នុងអាណត្តិទី២ របស់អាជ្ញាធរសេវាហិរញ្ញវត្ថុមិនមែនធនាគារ ព្រមទាំងបង្កើតជាវេទិកាជួបជុំ និងពិភាក្សាផ្លាស់ប្តូរយោបល់រវាងតួអង្គពាក់ព័ន្ធ និងអ្នកជំនាញក្នុងវិស័យហិរញ្ញវត្ថុមិនមែនធនាគារ ជាពិសេសវិស័យមូលបត្រ សំដៅលើកកម្ពស់តួនាទីទីផ្សារមូលបត្រ ក្នុងការកៀរគរហិរញ្ញប្បទានរយៈពេលវែង លើកកម្ពស់នវានុវត្តន៍ គាំទ្រការវិនិយោគ និងកំណើនអាជីវកម្ម ព្រមទាំងពង្រឹងទំនុកចិត្តរបស់វិនិយោគិន។