高棉产品展闭幕 三天力推国货 青年联合会主办

ពិព័រណ៍ផលិតផលខ្មែរ ឆ្នាំ២០២៦ ក្រោមប្រធានបទ «ខ្មែរធ្វើបាន៖ ចូលរួម ជំរុញ គាំទ្រផលិតផលក្នុងស្រុក» បានបញ្ចប់ដោយរលូន និងប្រកបដោយជោគជ័យគួរជាទីមោទនៈ!🇰🇭 សហភាពសហព័ន្ធយុវជនកម្ពុជា សូមគោរពថ្លែងអំណរព្រះគុណ និងអរគុណយ៉ាងជ្រាលជ្រៅចំពោះថ្នាក់ដឹកនាំគ្រប់លំដាប់ថ្នាក់ ដែលបានគាំទ្រដល់ការរៀបចំ និងចំណាយពេលវេលាដ៏មានតម្លៃនិមន្ត យាង និងអញ្ជើញចូលរួមក្នុងពិព័រណ៍រយៈពេល៣ថ្ងៃនេះ។ វត្តមានដ៏ថ្លៃថ្លានេះ បានផ្ដល់កិត្តិយសដល់កម្មវិធី និងឆ្លុះបញ្ចាំងពីការយកចិត្តទុកដាក់ចំពោះការលើកកម្ពស់សក្ដានុពលផលិតផលក្នុងស្រុក។ ការគាំទ្រ និងការលើកទឹកចិត្តរបស់ថ្នាក់ដឹកនាំ ក៏ជាកម្លាំងជំរុញឱ្យ ស.ស.យ.ក. បន្តបេសកកម្មប្រមូលផ្ដុំកម្លាំងសង្គម និងផ្ដួចផ្ដើមសកម្មភាពបម្រើប្រយោជន៍ជាតិ និងប្រជាជន។ ស.ស.យ.ក. នឹងបន្តយកស្មារតី «ខ្មែរធ្វើបាន» ជាកម្លាំងចលករ ប្រមូលផ្ដុំឆន្ទៈ និងសមត្ថភាពយុវជន ឱ្យក្លាយជាកម្លាំងសកម្មក្នុងការកសាងសង្គម និងពង្រឹងភាពម្ចាស់ការជាតិ។ #ខ្មែរធ្វើបាន #ពិព័រណ៍ផលិតផលខ្មែរ #គាំទ្រផលិតផលក្នុងស្រុក #សសយក #UYFC