柬埔寨司法部推进民法典修订 聚焦合同与侵权责任

ឯកឧត្តម តាន់ហ៊ាង​ ដាវ័ណ្ណ សហប្រធាននៃក្រុមការងារ​បច្ចេកទេសទទួលបន្ទុករៀបចំការធ្វើវិសោធនកម្មក្រមរដ្ឋប្បវេណី បានអញ្ជើញដឹកនាំកិច្ចប្រជុំ បន្តដើម្បីពិនិត្យ និងពិភាក្សាលើការធ្វើវិសោធនកម្មក្រមរដ្ឋប្បវេណី ==================== ទីស្តីការក្រសួងយុត្តិធម៌៖ នារសៀល ថ្ងៃពុធ ១៣កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៦ ខែសីហា​ ឆ្នាំ២០២៦, ឯកឧត្តម តាន់ហ៊ាង​ ដាវ័ណ្ណ ជាសហប្រធាននៃក្រុមការងារបច្ចេកទេសទទួលបន្ទុករៀបចំការធ្វើវិសោធនកម្មក្រមរដ្ឋប្បវេណី បានអញ្ជើញដឹកនាំកិច្ចប្រជុំបន្ត ដេីម្បី​ពិនិត្យ និងពិភាក្សាលើបទប្បញ្ញត្តិមួយចំនួន​ នៅក្នុងគន្ថីទី៤ ស្តីពីកាតព្វកិច្ច និងគន្ថីទី៥ កិច្ចសន្យាសំខាន់ៗ និងអំពើអនីត្យានុកូល។ កិច្ចប្រជុំ​នេះក៏មានការអញ្ជេីញចូលរួមពី​​ ឯលោកជំទាវ​ ជាអនុប្រធាន និងឯកឧត្តម​ លោកជំទាវ​ លោក​ លោកស្រី​ ជាសមាជិកក្រុមការងារ​ រួមទាំងតំណាងក្រុមជំនាញការ​ JICA ផងដែរ។