柬埔寨内政部通报边境平民受困 逾1.8万人受阻

ក្រសួងមហាផ្ទៃ៖ គិតត្រឹមព្រឹកថ្ងៃទី១២ ខែកញ្ញា ឆ្នាំ២០២៦ នៅមានប្រជាពលរដ្ឋចំនួន ១៨.៦៨៨នាក់ទៀត (ក្នុងនោះមានស្ត្រី ៩.៤២៨នាក់ និងកុមារ ៦.០៦៦នាក់) មិនទាន់អាចវិលត្រឡប់ទៅកាន់ភូមិករណ៍ និងលំនៅឋានដើមវិញ ដោយសារការរារាំងពីសំណាក់យោធាថៃ។ ការរារាំង និងការមិនអាចវិលត្រឡប់នេះ មិនមែនជាផលប៉ះពាល់ដោយអចេតនានៃជម្លោះនោះទេ ប៉ុន្តែជាលទ្ធផលផ្ទាល់នៃការបន្តកាន់កាប់ដោយខុសច្បាប់ពីសំណាក់យោធាថៃមកលើភូមិឋានស៊ីវិល និងការចូលកម្ទេចផ្ទះសំបែង ទ្រព្យសម្បត្តិពលរដ្ឋ បន្ទាប់ពីបទឈប់បាញ់បានចូលជាធរមាន។ សកម្មភាពទាំងនេះ ក៏បានរំលោភបំពានយ៉ាង ធ្ងន់ធ្ងរលើអនុសញ្ញាទីក្រុងសឺណែវ ឆ្នាំ១៩៤៩ ដែលបានហាមឃាត់ដាច់ខាតការបណ្តេញចេញ ការផ្ទេរដោយបង្ខំ និងការជម្លៀសជនស៊ីវិលពីទឹកដីដែលត្រូវកាន់កាប់។