柬埔寨国防部发言人证实，柏威夏寺作为世界文化遗产，近期遭受了

**ក្រុមសង្កេតការណ៍អាស៊ាន រកឃេីញថាប្រាសាទព្រះវិហាររងការខូចខាតយ៉ាងធ្ងន់ធ្ងរពីការផ្លោងគ្រាប់ និងទម្លាក់គ្រាប់បែកដោយចេតនារបស់យោធាថៃ ——** សំណង់ និងស្ថាបត្យកម្មសំខាន់ៗនៃប្រាសាទព្រះវិហារ ដែលជាសម្បត្តិបេតិកភណ្ឌពិភពលោក បានរងការខូចខាត និងបំផ្លិចបំផ្លាញយ៉ាងធ្ងន់ធ្ងរបំផុត ដោយសារការផ្លោងគ្រាប់ធុនធ្ងន់ផ្ទួនៗ ព្រមទាំងការទម្លាក់គ្រាប់បែកពីលើយន្តហោះចម្បាំង និងដ្រូនរបស់យោធាថៃ ដែលបានបាញ់សំដៅផ្ទាល់មកលើតំបន់ប្រាសាទដោយចេតនា និងមិនរើសអើង។ នេះបើយោងតាមសេចក្តីប្រកាសព័ត៌មានរបស់អ្នកនាំពាក្យក្រសួងការពារជាតិកម្ពុជា នៅថ្ងៃទី១០ ខែកញ្ញា ឆ្នាំ២០២៦។ ចំពោះមុខការខូចខាតសម្បត្តិមនុស្សជាតិដ៏ធំធេងនេះ ភាគីកម្ពុជាបានសម្របសម្រួលជូនក្រុមអ្នកសង្កេតការណ៍អាស៊ានប្រចាំកម្ពុជា (AOT-KH) ដឹកនាំដោយហ្វីលីពីន ចុះពិនិត្យ និងផ្ទៀងផ្ទាត់ជាក់ស្តែងដល់ទីតាំងប្រាសាទ។ ក្រសួងការពារជាតិបានថ្កោលទោសទង្វើនេះ ព្រមទាំងលាតត្រដាងថា យោធាថៃមិនត្រឹមតែបំផ្លាញសម្បត្តិបេតិកភណ្ឌប៉ុណ្ណោះទេ ថែមទាំងបន្តរំលោភលើកិច្ចព្រមព្រៀងបទឈប់បាញ់ ដោយដាក់កុងតឺន័រ រាយបន្លាលួស និងធ្វើផ្លូវបេតុងទន្ទ្រានកាន់តែជិតតំបន់ប្រាសាទព្រះវិហារ ដែលជាការបំពានច្បាប់អន្តរជាតិយ៉ាងធ្ងន់ធ្ងរ៕ 🌐[PNS News Cambodia](https://www.facebook.com/share/18PwN6TuDX/) 🌐[PNS News Cambodia](https://t.me/pnsnewscambodia) 🌐[PNS_News​_Cambodia](https://www.tiktok.com/@pnsnews_cambodia?_r=1&_t=ZS-99L97djyBAW)