洪森接见优等生家庭并提供学业指导

នៅព្រឹកថ្ងៃទី ១៥ ខែកញ្ញានេះ សម្តេចអគ្គមហាសេនាបតីតេជោ ហ៊ុន សែន បានអនុញ្ញាតឱ្យចៅ វ៉ាន សែនវ៉ា ព្រមទាំងឪពុកម្តាយ និងបងស្រីទាំង ៣ នាក់ ចូលជួបសម្តែងការគួរសម និងទទួលការអនុសាសន៍ណែនាំដោយផ្ទាល់។ សម្តេចតេជោ បានអញ្ជើញផ្តល់ការតម្រង់ទិសលើការជ្រើសរើសជំនាញសិក្សាថ្នាក់មហាវិទ្យាល័យដល់ចៅ វ៉ាន សែនវ៉ា ដើម្បីត្រៀមខ្លួនសម្រាប់អនាគត។ ជាមួយគ្នានោះដែរ សម្តេចតេជោ ក៏បានជ្រាបអំពីជីវភាព និងការលំបាករបស់គ្រួសារ ដោយបងស្រីម្នាក់របស់ចៅ វ៉ាន សែនវ៉ា បានប្រឡងជាប់សញ្ញាបត្រមធ្យមសិក្សាទុតិយភូមិ (បាក់ឌុប) ក្នុងសម័យប្រឡងឆ្នាំ២០២៥ រួចរាល់ហើយ ប៉ុន្តែមិនមានលទ្ធភាពជម្រុញការសិក្សាបន្តនៅថ្នាក់ឧត្តមសិក្សាឡើយ។