柬埔寨公务员招聘透明度提升 反腐败单位全程监督

**ឯកឧត្តមបណ្ឌិត ជិន ម៉ាលីន វាយតម្លៃខ្ពស់ចំពោះតម្លាភាពនៃការប្រឡងប្រជែង ក្រោមការដឹកនាំផ្ទាល់របស់ឯកឧត្តមឧបនាយករដ្ឋមន្ត្រី ហ៊ុន ម៉ានី ដោយមាន ACU ដើរតួជាកែវភ្នែក** នៅក្នុងកិច្ចសម្ភាសន៍អមវីដេអូនេះ ឯកឧត្តមបណ្ឌិត បានមានប្រសាសន៍បញ្ជាក់យ៉ាងច្បាស់លាស់ថា តាមរយៈការចូលរួមផ្ទាល់ទាំង ពីរលើកកន្លងមកនេះ នៅក្នុងដំណើរការប្រឡងដែលដឹកនាំផ្ទាល់ដោយ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡងប្រជែង គឺស្តែងឱ្យឃើញពីភាពសុក្រឹត និងត្រឹមត្រូវ។ ដំណើរការនៃនីតិវិធីទាំងអស់ ចាប់តាំងពីចំណុចចាប់ផ្តើម រហូតដល់កិច្ចដំណើរការប្រឡង គឺធានាបាននូវតម្លាភាព ដោយសារមានការចូលរួមពីគ្រប់ភាគីទាំងអស់។ ជាពិសេស ដំណើរការប្រឡងនេះ មានការចូលរួមពីអង្គភាពប្រឆាំងអំពើពុករលួយ (ACU) ដែលដើរតួជា «កែវភ្នែកនៃតម្លាភាព» រួមជាមួយក្រសួង-ស្ថាប័នពាក់ព័ន្ធ។ យន្តការនេះ គឺដើម្បីធានាបាននូវភាពសុក្រឹត យុត្តិធម៌ ត្រឹមត្រូវ និងធានាដាច់ខាតថា ការរៀបចំប្រឡងទាំងមូលប្រព្រឹត្តទៅដោយរលូន មិនមានបញ្ហា ឬភាពមិនប្រក្រតីណាមួយកើតឡើងឡើយ។ សូមទស្សនាវីដេអូបទសម្ភាស ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការក្រសួងយុត្តិធម៌ បានបង្ហាញពីការវាយតម្លៃខ្ពស់បំផុត និងសង្កត់ធ្ងន់ទៅលើគុណតម្លៃនៃតម្លាភាព និងភាពស្អាតស្អំ នៃប្រព័ន្ធប្រឡងប្រជែង។