柬埔寨卫生部推进国家营养计划 重点完善儿童营养不良治疗指南

កិច្ចប្រជុំពិភាក្សា ស្ដីពីការពិនិត្យ និងតាមដានលើវឌ្ឍនភាព នៃការអនុវត្តការងាររបស់កម្មវិធីជាតិអាហារូបត្ថម្ភ —— រាជធានីភ្នំពេញ៖ ព្រឹកថ្ងៃចន្ទ ទី២៧ ខែមេសា ឆ្នាំ២០២៦ លោកជំទាវវេជ្ជបណ្ឌិត ប្រាក់ សោភ័ណនារី រដ្ឋលេខាធិការក្រសួងសុខាភិបាល និងជានាយកគម្រោងអាហារូបត្ថម្ភនៅកម្ពុជា បានអញ្ជើញដឹកនាំកិច្ចប្រជុំពិភាក្សា ដើម្បីពិនិត្យ និងតាមដានលើវឌ្ឍនភាពនៃការអនុវត្តការងាររបស់កម្មវិធីជាតិអាហារូបត្ថម្ភ។ កិច្ចប្រជុំនេះ ផ្ដោតសំខាន់ទៅលើប្រធានបទសំខាន់ៗដូចខាងក្រោម៖ ១.ពិនិត្យវឌ្ឍនភាព និងបញ្ហាប្រឈមនៃការអនុវត្តការងាររបស់កម្មវិធីជាតិ ២.ពិនិត្យ និងពន្លឿនលើការបង្កើតគោលកាណ៍ណែនាំ ស្តីពីការផ្ដល់បន្ថែមគ្រាប់ថ្នាំវីតាម៉ីនចម្រុះ (MMS) និង គោលការណ៍ណែនាំស្តីពីការថែទាំព្យាបាលកុមារកង្វះអាហារូបត្ថម្ភស្រួចស្រាល់ (SAM Guideline) ឱ្យបានឆាប់ចប់តាមផែនការសម្រាប់អនុវត្ត។ ៣.ធ្វើបច្ចុប្បន្នភាពលើយុទ្ធនាការផ្សព្វផ្សាយកញ្ចប់ MIYCN SBCC នៅខេត្តគោលដៅទាំង៩ ។ សូមជម្រាបផងដែរថា លោកជំទាវរដ្ឋលេខាធិការ បានជម្រុញលើកទឹកចិត្តដល់ក្រុមការងារ និងផ្ដល់នូវអនុសាសន៍ ដូចជា៖ ១-ពង្រឹងបន្ថែមការកត់ត្រា និងរបាយការណ៍ចូលក្នុងប្រព័ន្ធ​HMIS របស់មន្រ្តីនៅតាមមូលដ្ឋានសុខាភិបាល តាមរយៈការចុះអភិបាល និងបង្វឹកផ្ទាល់ ឬតាមប្រព័ន្ធ Zoom ២-ពង្រឹងកិច្ចសហការរវាងរដ្ឋបាលខេត្ត ជាពិសេស អភិបាលនៃគណៈអភិបាលរងខេត្តទទួលបន្ទុកស្រ្តី និងកុមារ មន្ទីរសុខាភិបាល និងអាជ្ញាធរឃុំសង្កាត់ ព្រមទាំងដៃគូអង្គការ ដែលពាក់ព័ន្ធនឹងការងារអាហារូបត្ថម្ភ ដើម្បីធ្វើបច្ចុប្បន្នភាពលើការអនុវត្តការងារនៅថ្នាក់មូលដ្ឋាន និងពន្លឿនកិច្ចអន្តរាគមន៍នានា ៣-ធ្វើការកត់ត្រាឱ្យច្បាស់លាស់នូវរាល់ចំនុចខ្វះខាត ដែលបានរកឃើញនៅពេលចុះអភិបាល រួចបំពេញចំនុចខ្វះខាតទាំងនោះតាមរយៈការបង្វឹក បណ្ដុះបណ្ដាល សិក្ខាសាលា ឬប្រជុំតាម Online ជាដើម។ កិច្ចប្រជុំនេះ មានការអញ្ជើញចូលរួមពី លោកស្រីសាស្ត្រាចារ្យជំនួយ គឹម រ័ត្ននា នាយកមជ្ឈមណ្ឌលជាតិគាំពារមាតា និងទារក ប្រធានកម្មវិធីជាតិ អនុប្រធានកម្មវិធីជាតិ និងក្រុមការងារនៃកម្មវិធីជាតិអាហារូបត្ថម្ភ។ **🌐** [Website](https://moh.gov.kh/kh/home) 📱 [Facebook](https://www.facebook.com/MinistryofHealthofCambodia?mibextid=ZbWKwL) 📱 [Telegram](https://t.me/MOHCambodia) 📱 [X (twitter)](https://x.com/MohCambodia) 📱 [Tiktok](https://www.tiktok.com/@mohcambodia) 📱 [YouTube](https://www.youtube.com/@MOHCambodia)