柬埔寨发展理事会与澳方会谈 旨在吸引澳企投资高科技领域

ជំនួបពិភាក្សាការងារជាមួយការិយាល័យទទួលបន្ទុកកិច្ចការកម្ពុជា និងវៀតណាមនៃក្រសួងការបរទេស និងពាណិជ្ជកម្មអូស្ត្រាលី ទីស្តីការក្រុមប្រឹក្សាអភិវឌ្ឍន៍កម្ពុជា៖ នាព្រឹកថ្ងៃទី២០ ខែឧសភា ឆ្នាំ២០២៦ ឯកឧត្តម លឹម វិសាល អគ្គលេខាធិការរងគណៈកម្មាធិការវិនិយោគកម្ពុជា បានទទួលជួបពិភាក្សាការងារជាមួយ លោកស្រី Carol Holmes ប្រធានការិយាល័យទទួលបន្ទុកកិច្ចការកម្ពុជា និងវៀតណាមនៃក្រសួងការបរទេស និងពាណិជ្ជកម្មអូស្ត្រាលី។ ជំនួបនេះត្រូវបានរៀបចំឡើងក្នុងគោលបំណងពង្រឹង និងពង្រីកកិច្ចសហប្រតិបត្តិការទ្វេភាគីលើការជំរុញ និងទាក់ទាញការវិនិយោគផ្ទាល់ពីប្រទេសអូស្ត្រាលីមកកម្ពុជា។ ជាកិច្ចចាប់ផ្តើម ឯកឧត្តមអគ្គលេខាធិការរងបានសម្តែងនូវការស្វាគមន៍យ៉ាងកក់ក្តៅចំពោះ លោកស្រី Carol Holmes ដែលបានមកបំពេញទស្សនកិច្ចការងារនៅព្រះរាជាណាចក្រកម្ពុជា។ ឯកឧត្តមបានវាយតម្លៃខ្ពស់ចំពោះទំនាក់ទំនងមិត្តភាព និងកិច្ចសហប្រតិបត្តិការដ៏ល្អប្រសើររវាងកម្ពុជា និងអូស្ត្រាលី ជាពិសេសការគាំទ្ររបស់រដ្ឋាភិបាលអូស្ត្រាលីតាមរយៈកម្មវិធីភាពជាដៃគូកម្ពុជា-អូស្ត្រាលីសម្រាប់ការអភិវឌ្ឍសេដ្ឋកិច្ចប្រកបដោយភាពធន់ ដែលបានរួមចំណែកយ៉ាងសំខាន់ក្នុងការលើកកម្ពស់បរិយាកាសវិនិយោគ និងការអភិវឌ្ឍសេដ្ឋកិច្ចប្រកបដោយចីរភាព។ ក្នុងបរិបទនៃការលើកកម្ពស់បរិស្ថានធុរកិច្ច ឯកឧត្តមបានបរិយាយអំពីលក្ខណៈពិសេសនៃរបបវិនិយោគកម្ពុជាដែលផ្តល់នូវការសម្របសម្រួលប្រកបដោយភាពបត់បែន, ការលើកទឹកចិត្តដែលមានភាពទាក់ទាញ, និងការគាំពារយ៉ាងរឹងមាំដល់វិនិយោគិនដោយគ្មានការរើសអើង។ ទន្ទឹមនឹងនេះ ឯកឧត្តមក៏បានលើកឡើងផងដែរអំពីការវិវត្តជាវិជ្ជមាននៃការអភិវឌ្ឍហេដ្ឋារចនាសម្ព័ន្ធរូបវន្ត និងប្រព័ន្ធភស្តុភារកម្មដែលនឹងជួយកាត់បន្ថយថ្លៃដើមផលិត និងបង្កើនភាពប្រកួតប្រជែងរបស់កម្ពុជាក្នុងតំបន់។ មុននឹងបញ្ចប់ ឯកឧត្តមបានលើកទឹកចិត្តដល់ភាគីមិត្តក្នុងការបន្តជំរុញ និងទាក់ទាញវិនិយោគិនអូស្ត្រាលីមកបណ្តាក់ទុនបន្ថែមទៀតលើវិស័យដែលផ្តល់តម្លៃបន្ថែមខ្ពស់ និងសកម្មភាពវិនិយោគដែលផ្ទេរចំណេះដឹង និងបច្ចេកវិទ្យា។ ជាការឆ្លើយតប លោកស្រី Carol Holmes បានថ្លែងអំណរគុណយ៉ាងជ្រាលជ្រៅចំពោះការទទួលស្វាគមន៍យ៉ាងកក់ក្តៅ និងបានកោតសរសើរចំពោះការរីកចម្រើនសេដ្ឋកិច្ចយ៉ាងឆាប់រហ័សរបស់កម្ពុជា។ លោកស្រីបានបញ្ជាក់សាជាថ្មីនូវការប្តេជ្ញាចិត្តរបស់រដ្ឋាភិបាលអូស្ត្រាលី ក្នុងការបន្តកិច្ចសហការយ៉ាងជិតស្និទ្ធជាមួយក្រុមប្រឹក្សាអភិវឌ្ឍន៍កម្ពុជាដើម្បីជំរុញ និងទាក់ទាញសហគ្រាសអូស្ត្រាលីមកសិក្សាសមិទ្ធិលទ្ធភាព និងបណ្តាក់ទុនវិនិយោគនៅកម្ពុជាបន្ថែមទៀត ជាពិសេសលើវិស័យដែលមានសក្តានុពលខ្ពស់ មានជាអាទិ៍ កសិកម្ម និងកសិ-ឧស្សាហកម្ម, ថាមពលកកើតឡើងវិញ, អប់រំ និងបណ្តុះបណ្តាលវិជ្ជាជីវៈ, សុខាភិបាល, និងការអភិវឌ្ឍធនធានធម្មជាតិ។ "Invest in Cambodia", Find us on: - Website: [cdc.gov.kh](https://l.facebook.com/l.php?u=http%3A%2F%2Fcdc.gov.kh%2F%3Ffbclid%3DIwZXh0bgNhZW0CMTAAYnJpZBExdGhOMHRpaVNLa0pGVGZLb3NydGMGYXBwX2lkEDIyMjAzOTE3ODgyMDA4OTIAAR59tOK5FKAq5yZEBpCXzZoG4zbx8pvYJJlen9iEsNCkb6tQ3jwzh705gla5xA_aem_WZX5mgWOGXJTqDo6gwhSFw&h=AUAD6m-FEBiUOmwFtD2Pjgs1fcDZMZmw8llg-v0yf3383rMFN1Plc7ipoJ9kmXwmMGic6CJAOeWiKfGsefsTy_PgE9vSc05pYlI2klFdjRsJAmZIVrKyPpLUP5Ef69Fy0WMUb-YD4CS_tTw6OcBM1jU&__tn__=-UK-R&c%5B0%5D=AUASUAjZaopb3WiEsOzjvmAmzvuA0HpfdcGN0ihm1fDUsRHrAcJnO_NEp1iiVYN4mt1cnv4ljm6gOrFlvw5B23nrpxSiYjaMlLfyKl7zSACqvk1RDlTJjKQTBiyuJwajaAheV1M-Q7j7qkuJL4z_S89UYAKk9tZf3YmYegirKbA) | [cib-cdc.gov.kh](https://cib-cdc.gov.kh/?fbclid=IwZXh0bgNhZW0CMTAAYnJpZBExdGhOMHRpaVNLa0pGVGZLb3NydGMGYXBwX2lkEDIyMjAzOTE3ODgyMDA4OTIAAR7CgdsEWTCxqVzwLzAoj8szY4F92WKoCPrm1gz2dLuPnylivT66fqlK8mlLFg_aem_I597vls3czrAzu9Cu0hFFQ) - Online Investment Project Registration: [ipm.cdc.gov.kh](http://ipm.cdc.gov.kh/?fbclid=IwZXh0bgNhZW0CMTAAYnJpZBExdGhOMHRpaVNLa0pGVGZLb3NydGMGYXBwX2lkEDIyMjAzOTE3ODgyMDA4OTIAAR7s8RoC87WMaGmth5DzpZanwQs1lcm0tAmgoz00k1r75_RIbQZ0ght2UQypxg_aem_P6KDA4V_oV9aab5-yGZFiw) - Email: [email protected] | [email protected] - Helpline: +855 99 799 579 | +855 98 799 579 🌐 Follow Us 🧭  [Website (CIB](https://cib-cdc.gov.kh/en)) | 👨‍💻 [Facebook](https://www.facebook.com/cib.cdc.cambodia/)| 💳 [Telegram](https://t.me/cib_cdc_cambodia)