暹粒省发生青少年聚众斗殴事件

កំហុសអាចកែប្រែបាន ប្រសិនបើយើងចេះទទួលស្គាល់ និងកែខ្លួន។ កុំឱ្យអារម្មណ៍មួយភ្លែត បំផ្លាញអនាគតរបស់ខ្លួន! វេលាម៉ោង ២៣:៣០នាទី ថ្ងៃទី២០ ខែកញ្ញា ឆ្នាំ២០២៦ កម្លាំងអាវុធហត្ថស្រុកអង្គរជុំ បានបង្រ្កាបករណីក្មេងទំនើង នៅចំណុចកន្លែងប្រគុំតន្ត្រី ស្ថិតក្នុងភូមិតាសោម ឃុំតាសោម ស្រុកអង្គរជុំ ថាមានយុវជនមួយក្រុមផឹកស្រវឹង និងបង្កជម្លោះ រហូតឈានដល់ការគប់កៅអីទៅលើក្រុមយុវជនមួយទៀតដែលកំពុងអង្គុយផឹកស៊ីក្បែរគ្នា។ ក្រោយទទួលបានព័ត៌មាន កម្លាំងសមត្ថកិច្ចបានចុះទៅដល់កន្លែងកើតហេតុ និងបានឃាត់ខ្លួនយុវជនចំនួន ០២នាក់ ដើម្បីសួរនាំ និងអប់រំ។ បន្ទាប់ពីសួរនាំ និងទទួលស្គាល់កំហុស កម្លាំងបានធ្វើកិច្ចសន្យាអប់រំ និងប្រគល់ជូនអាណាព្យាបាល ដើម្បីយកទៅលំនៅដ្ឋាន និងបន្តអប់រំកែប្រែ។ សូមបងប្អូនយុវជនទាំងអស់យកករណីនេះជាមេរៀន៖ ការផឹកស្រា និងការប្រើអំពើហិង្សា មិនមែនជាភាពក្លាហាន ឬជាវិធីដោះស្រាយបញ្ហាឡើយ។ សូមចៀសវាងការប្រមូលផ្តុំផឹកស៊ី បង្កជម្លោះ ប្រើពាក្យសម្តីប្រមាថ ឬប្រើអំពើហិង្សា។ ប្រសិនបើមានបញ្ហា គួររក្សាស្មារតី ស្ងប់ស្ងាត់ និងស្វែងរកការដោះស្រាយដោយសន្តិវិធី៕