柬埔寨移民总局遣返86名涉案中国籍人员

ជនជាតិចិន ៨៦នាក់ ពាក់ព័ន្ធ Online Scams និងបទល្មើសផ្សេងៗ ត្រូវបានបណ្ដេញចេញពីកម្ពុជា ភ្នំពេញ៖ នៅថ្ងៃទី៤ ខែកញ្ញា ឆ្នាំ២០២៦ អគ្គនាយកដ្ឋានអន្តោប្រវេសន៍ បានអនុវត្តនីតិវិធីបណ្ដេញជនជាតិចិនសរុប ៨៦នាក់ ក្នុងនោះស្ត្រី២៨នាក់ ចេញពីប្រទេសកម្ពុជា ពាក់ព័ន្ធករណីឆបោកតាមប្រព័ន្ធបច្ចេកវិទ្យា (Online Scams) និងបទល្មើសផ្សេងៗទៀត។ ជនបរទេសទាំងនេះ ត្រូវបានបណ្ដេញចេញតាម ប៉ុស្តិ៍នគរបាលច្រកទ្វារព្រំដែនអន្តរជាតិត្រពាំងផ្លុង ខេត្តត្បូងឃ្មុំ ដោយអនុវត្តតាមការណែនាំរបស់ថ្នាក់ដឹកនាំក្រសួងមហាផ្ទៃ។ ការបណ្ដេញចេញនេះ ស្ថិតក្រោមការអនុវត្តនីតិវិធីរបស់នាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍។