柬埔寨农业部及相关机构举办研讨会，评估AGREE项目在提升农村社区气候韧性方面的

**ការពង្រីកគំរូកសិកម្មតាមបែបសុខភាពតែមួយ និងការលើកកម្ពស់យេនឌ័រដើម្បីពង្រឹងភាពធន់របស់សហគមន៍ជនបទនៅកម្ពុជា** 🌾🌾🌾 ————- នៅសប្ដាហ៍នេះ លោកស្រី លាវ គឹមណា នាយកប្រចាំប្រទេសរបស់អង្គការភាពជាដៃគូដើម្បីចីរភាពវិស័យកសិកម្មកម្ពុជា បានចូលរួមសិក្ខាសាលាថ្នាក់ជាតិស្ដីពី «ការសិក្សារវាយតម្លៃលើគម្រោងអាហ្គ្រូ៖ ការពង្រីកគំរូកសិកម្មតាមបែបសុខភាពតែមួយ និងការលើកកម្ពស់យេនឌ័រដើម្បីពង្រឹងភាពធន់របស់សហគមន៍ជនបទនៅកម្ពុជា» រៀបចំដោយវិទ្យាស្ថានបណ្ដុះបណ្ដាល និង ស្រាវជ្រាវដើម្បីអភិវឌ្ឍន៍។ សិក្ខាសាលានេះមានការចូលរួមពីសំណាក់តំណាងក្រសួងកសិកម្ម រុក្ខាប្រមាញ់ និងនេសាទ អង្គការមិនមែនរដ្ឋាភិបាល ស្ថាប័នអប់រំ និងដៃគូផ្សេងៗ។ ថ្លែងនៅក្នុងវគ្គ «វិធីសាស្រ្តវាយតម្លៃផលប៉ះពាល់» លោកស្រី លាវ គឹមណា បានលើកឡើងពីការផ្តល់អំណាចដល់ស្ត្រីតាមរយៈអាជីវកម្មកសិ-ធុរកិច្ច ដែលមិនប៉ះពាល់ដល់អាកាសធាតុ ជាពិសេសគឺលទ្ធផលពីគម្រោង AGREE ដែលជាគម្រោងភាពធន់នឹងអាកាសធាតុរបស់អង្គការ Grow Asia។ លោកស្រីក៏បានគូសបញ្ជាក់ពីសារៈសំខាន់នៃការស្រាវជ្រាវ និងការវាយតម្លៃក្នុងការអនុវត្តគម្រោងកសិកម្ម ដើម្បីធានាថាកសិករទទួលបានអត្ថប្រយោជន៍ច្រើនបំផុត។