柬埔寨会计审计监管局发布防范冒充诈骗预警

និយ័តករគណនេយ្យនិងសវនកម្ម (ន.គ.ស.) សូមជម្រាបជូនសាធារណជន សហគ្រាស អង្គភាព និងស្ថាប័នពាក់ព័ន្ធទាំងអស់មេត្តាជ្រាបថា បច្ចុប្បន្នមានករណីជនខិលខូចមួយចំនួនបានបង្កើតគណនី និងឆានែលក្លែងក្លាយ (ជាពិសេសនៅលើបណ្តាញសង្គម Telegram និង Facebook) ដោយយករូបភាព និងនិមិត្តសញ្ញា (Logo) ផ្លូវការរបស់ និយ័តករគណនេយ្យនិងសវនកម្ម ទៅប្រើប្រាស់ រួចធ្វើការផ្ញើសារ (Chat) និងចែករំលែកឯកសារ ដែលមានបង្កប់មេរោគ ដើម្បីបោកបញ្ឆោតឱ្យសាធារណជន ចុចទាញយក(Download) ឬបើកមើល។ សកម្មភាពខាងលើនេះ ជាអំពើឆបោក និងទុច្ចរិត ដែលអាចបណ្តាលឱ្យអ្នកប្រើប្រាស់បាត់បង់ទិន្នន័យផ្ទាល់ខ្លួន ព័ត៌មានគណនី ឬគ្រោះថ្នាក់ដល់ឧបករណ៍បច្ចេកវិទ្យារបស់លោកអ្នក។ សូមបង្កើនការប្រុងប្រយ័ត្នខ្ពស់៖ ១. ចៀសវាង ចុចលើតំណភ្ជាប់ (Link) ឬដោនឡូតឯកសារប្លែកៗ (ដូចជាឯកសារប្រភេទ .bat .cmd. .src .vbs .js .ps1 .msi .apk .zip .rar .z .txz .com .numbers ឬ .exe) ដែលផ្ញើចេញពីគណនី ឬឆានែលមិនផ្លូវការ។ ២. ពិនិត្យ និងផ្ទៀងផ្ទាត់ ព័ត៌មានផ្លូវការតាមរយៈទំព័រ និងបណ្តាញទំនាក់ទំនងផ្លូវការរបស់ ន.គ.ស. តែប៉ុណ្ណោះ។ ប្រសិនបើជួបប្រទះករណីសង្ស័យ ឬចង់ទទួលបានព័ត៌មានពិតប្រាកដ សូមទាក់ទងមកកាន់បណ្តាញទំនាក់ទំនងផ្លូវការរបស់ និយ័តករគណនេយ្យនិងសវនកម្ម (ACAR) 👉ដើម្បីទទួលបានព័ត៌មានផ្លូវការពីនិយ័តករគណនេយ្យនិងសវនកម្មសូមចុចទីនេះ [👉Website](https://bit.ly/3zW1iEl) 👉[Telegram](https://bit.ly/3zW1PWX) 👉[Facebook](https://bit.ly/3bw6u8I)