解读

📢 ការកែលម្អបរិយាកាសប្រកបអាជីវកម្មសម្រាប់សហគ្រាសធុនមីក្រូ តូច និងមធ្យម (ស.ម.ត.ម.) ក្រោយពីរាជរដ្ឋាភិបាលបានដាក់ចេញសារយ៉ាងច្បាស់លាស់ក្នុងការជំរុញ ការកែលម្អបរិយាកាសប្រកបអាជីវកម្ម កាត់បន្ថយភាពស្មុគស្មាញ និងសម្រួលនីតិវិធីសម្រាប់ធុរកិច្ច រាជរដ្ឋាភិបាលបានបន្តបោះជំហានជាក់ស្តែង តាមរយៈការចេញ សេចក្តីសម្រេចលេខ ៩០ សសរ ចុះថ្ងៃទី១១ ខែសីហា ឆ្នាំ២០២៦ ស្តីពីការបង្កើត ក្រុមការងារចំពោះកិច្ចកែសម្រួលការចាប់ផ្តើម និងកិច្ចប្រតិបត្តិការអាជីវកម្មរបស់សហគ្រាសធុនមីក្រូ តូច និងមធ្យម (ក.ក.ស.)។ ក.ក.ស. មានតួនាទីសំខាន់ក្នុងការសិក្សា ពិនិត្យ និងកែលម្អនីតិវិធីពាក់ព័ន្ធនឹងការចាប់ផ្តើម និងកិច្ចប្រតិបត្តិអាជីវកម្ម ព្រមទាំងសម្របសម្រួលជាមួយក្រសួង ស្ថាប័ន និងភាគីពាក់ព័ន្ធ ដើម្បីដោះស្រាយបញ្ហាប្រឈមរបស់ធុរកិច្ច។ ការងារនេះមានគោលដៅឆ្ពោះទៅរក ការកាត់បន្ថយនីតិវិធី ពេលវេលា កម្រៃសេវា និងបន្ទុករដ្ឋបាល និងធ្វើឱ្យការផ្តល់សេវាសាធារណៈកាន់តែ សាមញ្ញ ឌីជីថល (ងាយស្រួល ឆាប់រហ័ស) និងស័ក្តិសិទ្ធិ ដើម្បីបង្កើតបរិយាកាសអំណោយផលដល់ការរីកចម្រើន និងការប្រកួតប្រជែងរបស់ ស.ម.ត.ម. នៅកម្ពុជា។ +++++ [សូមចុចទីនេះ 📲 ចូលជាសមាជិក](https://t.me/Cambobiz) ដើម្បីទទួលបានបច្ចុប្បន្នភាព **PEST-C**