商务部长占妮莫勉励2027澳新奖学金生

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម អនុញ្ញាតជូនក្រុមនិស្សិតជ័យលាភីអាហារូបករណ៍រដ្ឋាភិបាលអូស្ត្រាលី និងរដ្ឋាភិបាលនូវែលសេឡង់ សម្រាប់ឆ្នាំ២០២៧ ចូលជួបសម្តែងការគួរសម សំណេះសំណាល និងទទួលអនុសាសន៍ណែនាំ ... (ភ្នំពេញ)៖ នារសៀលថ្ងៃចន្ទ ទី២ ខែវិច្ឆិកា ឆ្នាំ២០២៦ នៅទីស្តីការក្រសួងពាណិជ្ជកម្ម លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអនុញ្ញាតជូនក្រុមនិស្សិតជ័យលាភីអាហារូបករណ៍រដ្ឋាភិបាលអូស្ត្រាលី និងរដ្ឋាភិបាលនូវែលសេឡង់ សម្រាប់ឆ្នាំ២០២៧ ចូលជួបសម្តែងការគួរសម សំណេះសំណាល និងទទួលអនុសាសន៍ណែនាំ។ ក្នុងឱកាសនោះ លោកជំទាវរដ្ឋមន្ត្រី បានសម្តែងនូវការអបអរសាទរយ៉ាងកក់ក្តៅចំពោះក្រុមនិស្សិតជ័យលាភីអាហារូបករណ៍ និងបានលើកទឹកចិត្តឱ្យនិស្សិតទាំងអស់ខិតខំប្រឹងប្រែងរៀនសូត្រ ប្រកាន់ខ្ជាប់នូវស្មារតីតស៊ូ និងភាពអត់ធ្មត់ ព្រមទាំងចេះចាប់យកឱកាស ដើម្បីបង្កើនចំណេះដឹង ជំនាញ និងបទពិសោធន៍ថ្មីៗ។ ទន្ទឹមនឹងនេះ លោកជំទាវរដ្ឋមន្ត្រី ក៏បានផ្តាំផ្ញើឱ្យក្រុមនិស្សិតរក្សាទំនាក់ទំនងល្អ និងពង្រីកបណ្តាញមិត្តភាព ដើម្បីពង្រឹងសាមគ្គីភាព និងកិច្ចសហប្រតិបត្តិការ ព្រមទាំងចូលរួមលើកស្ទួយកិត្យានុភាពជាតិ តាមរយៈការដើរតួនាទីជាទូតសុឆន្ទៈរបស់កម្ពុជា ក្នុងអំឡុងពេលសិក្សានៅបរទេស។ លោកជំទាវរដ្ឋមន្ត្រី បានបង្ហាញក្តីសង្ឃឹមថា ក្រោយបញ្ចប់ការសិក្សា និងវិលត្រឡប់មកមាតុភូមិវិញ និស្សិតជ័យលាភីទាំងអស់នឹងនាំយកចំណេះដឹង ជំនាញ និងបទពិសោធន៍ដែលទទួលបាន មកចូលរួមអភិវឌ្ឍន៍សេដ្ឋកិច្ច និងសង្គមកម្ពុជា ព្រមទាំងរួមចំណែកពង្រឹងមូលធនមនុស្ស ដែលជាមូលដ្ឋានគ្រឹះដ៏សំខាន់សម្រាប់ការអភិវឌ្ឍជាតិលើគ្រប់វិស័យ៕ … ភ្ជាប់មកកាន់ក្រសួងពាណិជ្ជកម្ម តាមតំណភ្ជាប់ខាងក្រោម៖ Connect with Ministry of Commerce: 🌐 [Facebook ](https://web.facebook.com/moc.gov.kh) 🌐 [Telegram](https://t.me/mocnewsfeed) 🌐 [Website](https://www.moc.gov.kh/) 🌐 [YouTube](https://www.youtube.com/@mocgovkhcambodia) 🌐 [X (Twitter](https://twitter.com/MoCCambodia))