政府工作组对贡布省公共服务设施进行检查，重点关注医疗中心建设

ឯកឧត្តម ឈឿន ប៊ុណ្ណារ័ត្ន រដ្ឋលេខាធិការ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកឈូក បានដឹកនាំក្រុមការងារ សហការជាមួយរដ្ឋបាលស្រុកចុះពិនិត្យទីតាំងផ្តល់សេវាសាធារណៈចំនួន ២ ដូចខាងក្រោម៖ ១- ចុះពិនិត្យទីតាំងផ្តល់សេវាសុខាភិបាលរបស់មណ្ឌលសុខភាព បឹងនិមល ដើម្បីស្តាប់ពីលទ្ធផលការងារ និងការដោះស្រាយសំណូមពរចាំបាច់ ក្នុងនោះដែរ មណ្ឌលសុខភាព បានសំណូមពរសុំចូលរួមសាងសង់អគារ ១ខ្នងមាន ២បន្ទប់ សម្រាប់អ្នកសម្រាលទារក និងសួនកុមារ។ សូមជម្រាបជូនផងដែរថា មណ្ឌលសុខភាព បឹងនិមល ជាមណ្ឌលសុខភាពគំរូមួយ ដែលធ្លាប់ជាប់ជ័យលាភីលេខ៣ ទូទាំងខេត្តកំពត ដែលផ្តល់សេវាសុខភាពល្អប្រសើរជូនប្រជាពលរដ្ឋ ២- ចុះពិនិត្យទីតាំងគម្រោងស្តារ និងកែលម្អនៅវិទ្យាល័យ ហ៊ុន សែន ឈូក តាមការណែនាំរបស់ ឯកឧត្តមឧបនាយករដ្ឋមន្រ្តី ដោយផ្តោតលើគម្រោងអាទិភាពទាំង៣ រួមមាន ការជីកស្តារស្រះក្នុងបរិវេណសាលា ការរៀបចំអាហារដ្ឋាន និងរៀបចំសួនច្បារ ផ្លូវថ្មើជើង នៅខាងមុខសាលា។ អាស្រ័យដូចបានគោរពជម្រាបជូនខាងលើ សូម ឯកឧត្តមឧបនាយករដ្ឋមន្ត្រី មេត្តាជ្រាបជាសេចក្តីរាយការណ៍៕ #ក្រុមការងាររាជរដ្ឋាភិបាលចុះជួយមូលដ្ឋានខេត្តកំពត #យុទ្ធសាស្ត្របញ្ចកោណ_ដំណាក់កាលទី១ #គោលនយោបាយគន្លឹះទាំង៦ចំណុច #ក្រសួងរៀបចំដែនដីនគរូបនីយកម្មនិងសំណង់ #MLMUPC [**Join MLMUPC News**](https://t.me/MLMUPCofCambodia) 🌐 [**Website **](https://www.mlmupc.gov.kh/?fbclid=IwAR2TRTcTstFjPMuZPwzrWZp-PSWQsaaWpKQZY63K4aR5l_SAJrRtXORwVuU) 🌐 [**Facebook**](https://www.facebook.com/mlmupc.pressteam) 🌐 [**Youtube**](https://www.youtube.com/@MLMUPC_KH) 🌐 [**Tiktok**](https://www.tiktok.com/@mlmupc_kh)