金边皇冠1-2负香港杰志 首遭败绩仍居H组榜首

ភ្នំពេញក្រោន ស្គាល់បរាជ័យលើកដំបូង ក្រោយជំនួបដ៏ស្វិតស្វាញទល់ក្រុមម្ចាស់ផ្ទះ Kitchee ក្នុងលទ្ធផល ២-១ សម្រាប់ជំនួបជើងទី២ នៃពានរង្វាន់ AFC Champions League Two 2026/27 ដែលទើបបញ្ចប់ការប្រកួតមុននេះ នៅទឹកដីហុងកុង។ ការប្រកួតនេះ ត្រឹម ២នាទី កីឡាករ Ruslan Mingazov បានរកគ្រាប់នាំមុខឲ្យ Kitchee មុនភ្នំពេញក្រោន បាត់បង់សមាជិកម្នាក់ គឺកីឡាករ កើត ពេជ្រ ដែលរងពិន័យកាតក្រហម នៅចុងវគ្គទី១។ ចូលវគ្គទី២ ទោះបីសល់គ្នាត្រឹម ១០នាក់ តែភ្នំពេញក្រោន នៅតែព្យាយាមវាយសម្រុក ពិសេសនៅចុងម៉ោង រហូតកីឡាករ Guytho Mijland រកបានគ្រាប់តាមស្មើ ១-១ នៅនាទី៨៦ តែសោកស្ដាយនៅនាទីបន្ថែម កីឡាករ Kendy ក៏បានបន្ថែមគ្រាប់ទី២ នៅនាទី៩០+១ ជួយឲ្យក្រុម Kitchee ទទួលបានជ័យជម្នះវិញ ២-១ បន្ទាប់ពីរងបរាជ័យលើទឹកដីកម្ពុជា ២-០។ ទោះបីរបូត ៣ពិន្ទុលើកដំបូងក្ដី តែភ្នំពេញក្រោន នៅតែរក្សាកៅអីកំពូលតារាងពូលH ដោយរក្សា ៩ពិន្ទុក្នុងដៃ និងមានក្ដីសង្ឃឹមក្នុងការប្រជែងកៅអីវគ្គបន្ដ ប្រសិនបើពួកគេបន្ដធ្វើបានល្អក្នុងការប្រកួត ២ប្រកួតចុងក្រោយ៕