司法部11月11日向省市法院宣讲禁毒物证规范

ឯកឧត្តម ឯម ច័ន្ទមករា អញ្ជើញដឹកនាំកិច្ចប្រជុំក្រុមការងារពាក់ព័ន្ធនឹងការងារប្រយុទ្ធប្រឆាំងគ្រឿងញៀនខុសច្បាប់ និងការងារទាក់ទងនឹងវត្ថុតាងបទល្មើសគ្រឿងញៀន ===================== (ភ្នំពេញ)៖ នៅព្រឹកថ្ងៃពុធ ថ្ងៃទី៤ ខែវិច្ឆិកា ឆ្នាំ២០២៦នេះ ឯកឧត្តម ឯម ច័ន្ទមករា រដ្ឋលេខាធិការក្រសួងយុត្តិធម៌ និងជាប្រធានក្រុមការងារពាក់ព័ន្ធនឹងការងារប្រយុទ្ធប្រឆាំងគ្រឿងញៀនខុសច្បាប់ និងការងារទាក់ទងនឹងវត្ថុតាងបទល្មើសគ្រឿងញៀន បានអញ្ជើញដឹកនាំកិច្ចប្រជុំក្រុមការងារដើម្បីពិនិត្យលើវឌ្ឍនភាពការងារ និងលើកទិសដៅបន្ត។ កិច្ចប្រជុំនេះ ផ្តោតការពិនិត្យលើការត្រៀមរៀបចំកិច្ចប្រជុំផ្សព្វផ្សាយជាមួយសាលាដំបូង និងអយ្យការអមសាលាដំបូងរាជធានី ខេត្ត អំពីតួនាទី និងភារកិច្ចរបស់ក្រុមការងារ និងការធ្វើបទបង្ហាញអមពីការប្រើប្រាស់ទម្រង់របាយការណ៍ដើម្បីងាយស្រួលក្នុងការតាមដាន ការប្រមូល ការគ្រប់គ្រង និងការចាត់ចែងទ្រព្យសម្បត្តិដែលពាក់ព័ន្ធនឹងបទល្មើសគ្រឿងញៀន ដែលគ្រោងនឹងរៀបចំនៅថ្ងៃទី១១ ខែវិច្ឆិកា ឆ្នាំ២០២៦ខាងមុខនេះ៕