老挝爱尔兰等4国代表团抵金边 出席法语峰会

គណៈប្រតិភូ សាធារណរដ្ឋប្រជាធិបតេយ្យឡាវ សាធារណរដ្ឋឥស្លាម ម៉ូរីតានី សាធារណរដ្ឋអៀរឡង់ និង ប្រទេសម៉ុងតេណេហ្គ្រោ បានមកដល់ព្រះរាជាណាចក្រកម្ពុជាហើយ ដើម្បីអញ្ជើញចូលរួមកិច្ចប្រជុំកំពូលហ្វ្រង់កូហ្វូនី ដែលកម្ពុជាទទួលធ្វើជាម្ចាស់ផ្ទះ គណៈប្រតិភូមកពីបណ្តាប្រទេសនានា នៅរសៀល ថ្ងៃទី ១៣ ខែវិច្ឆិកា ឆ្នាំ ២០២៦ បាន អញ្ជើញមកដល់អាកាសយានដ្ឋានអន្តរជាតិតេជោ ខេត្ត កណ្តាល ប្រកបដោយសុវត្ថិភាព ដើម្បីចូលរួមក្នុងកិច្ចប្រជុំ កំពូល ហ្វ្រង់កូហ្វូនី ដែលព្រះរាជាណាចក្រកម្ពុជាទទួលធ្វើជាម្ចាស់ ផ្ទះ ពីថ្ងៃទី១៥-១៦ ខែ វិច្ឆិកា ឆ្នាំ ២០២៦នៅរាជធានីភ្នំពេញ។ គណៈប្រតិភូទាំងនោះ រួមមាន៖ គណៈប្រតិភូសាធារណរដ្ឋប្រជាធិបតេយ្យឡាវដឹកនាំដោយឯកឧត្តមThongsalith Mangnomek រដ្ឋមន្រ្តី អប់រំ និង កីឡា។ គណៈប្រតិភូ សាធារណរដ្ឋឥស្លាម ម៉ូរីតានី ដឹកនាំ ឯកឧត្តម Mohamed Saiem ould Merzoug រដ្ឋមន្រ្តីការបរទេស។ គណៈប្រតិភូ សាធារណរដ្ឋអៀរឡង់ ដឹកនាំដោយលោកជំទាវ Deirdre NI Fhallun ឯកអគ្គរដ្ឋទូតប្រចាំប្រទេសវៀតណាម។ គណៈប្រតិភូប្រទេសម៉ុងតេណេហ្គ្រោ លោកជំទាវ Dubravka Lalovic ឯកអគ្គរដ្ឋទូតប្រចាំប្រទេសអេស្ប៉ាញ។ សូមជម្រាបថា៖ការធ្វើជាម្ចាស់ផ្ទះនៃកិច្ចប្រជុំកំពូលនេះគឺជាព្រឹត្តិការណ៌ប្រវត្តិសាស្រ្តមួយសម្រាប់កម្ពុជាដោយនេះជាលើកដំបូងដែលកិច្ចប្រជុំកំពូលហ្វ្រង់កូហ្វូនីត្រូវបានរៀបចំឡើងនៅកម្ពុជា និង ជាលើកទី២ នៅក្នុងទ្វីបអាស៊ី។ កិច្ចប្រជុំកំពូលនេះគឺជាជួបជុំប្រមុខរដ្ឋ និង ប្រមុខរដ្ឋាភិបាល ព្រមទាំងគណៈប្រតិភូជាន់ខ្ពស់មកពីរដ្ឋ និង រដ្ឋាភិបាល សមាជិកទាំង៩០ នៃអង្គការអន្តរជាតិហ្វ្រង់កូហ្វូនី រួមទាំងស្ថាប័នដៃគូ ជាច្រើនដើម្បីពិភាក្សាលើបញ្ហាសំខាន់ៗពាក់ព័ន្ធនឹងកិច្ចសហប្រតិបត្តិការអន្តរជាតិ ពហុភាគីនិយម ការអភិវឌ្ឍប្រកបដោយចឺរភាព និង បញ្ហាផ្សេងៗទៀត ដែរជាផលប្រយោជន៌រួម។