柬埔寨新闻部反虚假信息运动第二阶段启动 覆盖全国校园

យុទ្ធនាការ "និយាយថាទេចំពោះព័ត៌មានក្លែងក្លាយ" ជំហានទី២ កំពុងបន្តដំណើរយ៉ាងស្វាហាប់ (AKP) យុទ្ធនាការ "និយាយថាទេចំពោះព័ត៌មានក្លែងក្លាយ" ជំហានទី២ របស់ក្រសួងព័ត៌មាន កំពុងបន្តដំណើរយ៉ាងស្វាហាប់ ជាមួយការចូលរួមយ៉ាងផុលផុសពីថ្នាក់ដឹកនាំ អាជ្ញាធរមូលដ្ឋាន ព្រមទាំងយុវសិស្សវិទ្យាល័យ អនុវិទ្យាល័យតាមបណ្តាខេត្ត និងមានការគាំទ្រពីគ្រប់តួអង្គពាក់ព័ន្ធក្នុងសង្គម។ ស្មារតីរួមគ្នាក្នុងការប្រយុទ្ធប្រឆាំងព័ត៌មានក្លែងក្លាយកំពុងមានសន្ទុះឈានឡើងពាសពេញប្រទេស! នៅក្នុងជំហានទី២នេះ យុទ្ធនាការ ដែលដឹកនាំដោយក្រសួងព័ត៌មាន បាននិងកំពុងបង្កើតនូវចលនាជាតិដ៏រស់រវើកមួយ ដោយទទួលបានការគាំទ្រយ៉ាងពេញទំហឹងពីសំណាក់ថ្នាក់ដឹកនាំ និងអាជ្ញាធរគ្រប់លំដាប់ថ្នាក់ ក្នុងការចុះផ្ទាល់ដើម្បីអប់រំ ពង្រឹងអក្ខរកម្មព័ត៌មាន និងប្រព័ន្ធផ្សព្វផ្សាយ។ អ្វីដែលជាកម្លាំងចលករដ៏គួរឱ្យកត់សម្គាល់នោះគឺថាមពលរបស់យុវជន។ ប្អូនៗសិស្សានុសិស្សនៅតាមគ្រឹះស្ថានសិក្សាកម្រិតវិទ្យាល័យ និងអនុវិទ្យាល័យតាមបណ្តាខេត្ត បានដើរតួជា "ភ្នាក់ងារសុវត្ថិភាពព័ត៌មាន" យ៉ាងសកម្ម។ ពួកគេមិនត្រឹមតែរៀនសូត្រពីរបៀបផ្ទៀងផ្ទាត់ព័ត៌មានសម្រាប់ខ្លួនឯងប៉ុណ្ណោះទេ ប៉ុន្តែថែមទាំងបាននាំយកចំណេះដឹងទាំងនេះទៅចែករំលែកបន្តដល់ក្រុមគ្រួសារ និងមិត្តភក្តិនៅក្នុងសហគមន៍របស់ខ្លួនទៀតផង។ ការចូលរួមយ៉ាងកុះករនេះស្តែងឱ្យឃើញថា កម្ពុជាកំពុងរួមគ្នាកសាងភាពស៊ាំឌីជីថល និងបរិយាកាសព័ត៌មានមួយដែល មានសុវត្ថិភាព គុណភាព និងប្រកបដោយការទទួលខុសត្រូវ៕ #និយាយថាទេចំពោះព័ត៌មានក្លែងក្លាយ #ជំហានទី២ #៣កុំ១ការពារ #វ៉ាក់សាំងឌីជីថល **——————** Connect with AKP: 🌐[Telegram ](https://t.me/TheAKP)🌐[Facebook ](https://www.facebook.com/akp.official/)🌐[Website ](http://akp.gov.kh/)👉[X](https://twitter.com/kampucheapresse) ([Twitte](https://twitter.com/kampucheapresse)[r](https://twitter.com/kampucheapresse)) 🌐[Instagram](https://www.instagram.com/akp_news/) 🌐[TikTok](https://www.tiktok.com/@agencekampucheapresse) 🌐[YouTube](https://www.youtube.com/@agencekampucheapresse/featured) #CambodiaWantsPeace #JusticeForCambodia