政府审议建筑法违规处罚草案

ឯកឧត្តម ទឹម ស៊ីផា អនុរដ្ឋលេខាធិការ និងលោកជំទាវ គា ម៉ីម៉ី អគ្គនាយករងនៃក្រសួងយុត្តិធម៌ អញ្ជើញចូលរួមក្នុងកិច្ចប្រជុំជំនាញបច្ចេកទេសដើម្បីពិនិត្យ និងពិភាក្សាលើ «សេចក្ដីព្រាងអនុក្រឹត្យស្ដីពីការពិន័យអន្តរការណ៍ចំពោះបទល្មើសនឹងច្បាប់ស្ដីពីសំណង់» នៅទីស្តីការគណ:រដ្ឋមន្ត្រី ==================== នាព្រឹក និងរសៀលថ្ងៃពុធ ១២រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៩ ខែកញ្ញាឆ្នាំ២០២៦ ឯកឧត្តម ទឹម ស៊ីផា អនុរដ្ឋលេខាធិការ និងលោកជំទាវ គា ម៉ីម៉ី អគ្គនាយករងនៃក្រសួងយុត្តិធម៌ បានអញ្ជើញចូលរួមនៅក្នុងកិច្ចប្រជុំជំនាញបច្ចេកទេសដើម្បីពិនិត្យ និងពិភាក្សាលើ «សេចក្ដីព្រាងអនុក្រឹត្យស្ដីពីការពិន័យអន្តរការណ៍ចំពោះបទល្មើសនឹងច្បាប់ស្ដីពីសំណង់» នៅទីស្តីការគណ:រដ្ឋមន្ត្រី សាលប្រជុំ៦-០៧A ជាន់ទី៦ អគារភាតរភាព ក្រោមអធិបតីភាព ឯកឧត្តម លី ច័ន្ទតុលា រដ្ឋលេខាធិការទីស្តីការគណៈរដ្ឋមន្ត្រី, អនុប្រធាន និងជាប្រធានក្រុមទី២នៃក្រុមប្រឹក្សាអ្នកច្បាប់ និងឯកឧត្ដម នៅ ប៉ោនន័រ អនុប្រធាន និងជាប្រធានក្រុមទី១នៃក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ ដោយមានសមាសភាពចូលរួមពីថ្នាក់ដឹកនាំតំណាងក្រសួង-ស្ថាប័នពាក់ព័ន្ធ។ អង្គប្រជុំបានសម្រេចលទ្ធផលដូចខាងក្រោម៖ - ពិភាក្សាផ្លាស់ប្តូរយោបល់លើទិដ្ឋភាពច្បាប់ នយោបាយ និងទិដ្ឋភាពទូទៅពាក់ព័ន្ធនឹងសេចក្តីព្រាងអនុក្រឹត្យនេះ។ - ឯកភាពកែសម្រួលលើទម្រង់ ពាក្យពេចន៍ និងខ្លឹមសារមួយចំនួននៃសេចក្ដីព្រាងអនុក្រឹត្យនេះដល់ត្រឹមមាត្រា៧។ - ការប្រជុំជំនាញបច្ចេកទេសដើម្បីពិនិត្យ និងពិភាក្សាបន្តលើសេចក្ដីព្រាងអនុក្រឹត្យនេះនឹងត្រូវជូនដំណឹង នាពេលក្រោយទៀត។