菩萨省缉毒行动发生惨剧 5名执法人员不幸牺牲

រដ្ឋមន្ត្រីក្រសួងមហាផ្ទៃ ចូលរួមរំលែកមរណទុក្ខដ៏សែនក្រៀមក្រំជាមួយគ្រួសារពលី .. ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ លោក ស សុខា នៅយប់ថ្ងៃទី ៥ សីហានេះ បានចេញសារចូលរួមរំលែកមរណទុក្ខដ៏សែនក្រៀមក្រំជាមួយក្រុមគ្រួសាររបស់ «សមត្ថកិច្ច និងប្រជាការពារ» ដែលពលី ក្នុងប្រតិបត្តិការបង្ក្រាបគ្រឿងញៀននៅស្រុកវាលវែង។ តាមបណ្តាញសង្គមផ្លូវការ លោក ស សុខា បានចូលរួមរំលែកមរណទុក្ខដ៏សែនក្រៀមក្រំជាមួយក្រុមគ្រួសារសព និង បានចាត់ទុកការ ពលិកម្មមន្ត្រីនគរបាលជាតិ និង ប្រជាការពារ រួមទាំងសោកនាដកម្មទាំងមូល ជាសារដាស់តឿនឱ្យជនរួមជាតិ ចាត់ទុក «គ្រឿងញៀន»គឺជាឃាតករ និង ជាសត្រូវដ៏អាក្រក់របស់យើងទាំងអស់គ្នា។ គួរបញ្ជាក់ថា របាយការណ៍ចុងក្រោយមាន«សមត្ថកិច្ចចំនួន២នាក់ និងប្រជាការពារ»ចំនួន៣នាក់ សរុប៥នាក់ ពលី ក្នុងប្រតិបត្តិការបង្ក្រាបគ្រឿងញៀន នៅឃុំអូរសោម ស្រុកវាលវែង ខេត្តពោធិ៍សាត់។