柬埔寨司法部召开刑法修正案第34次技术工作会议

ឯកឧត្តម ផូវ សំភី សហប្រធានក្រុមការងារបច្ចេកទេសទទួលបន្ទុករៀបចំការធ្វើវិសោធនកម្មក្រមព្រហ្មទណ្ឌ អញ្ជើញដឹកនាំកិច្ចប្រជុំពិនិត្យ និងពិភាក្សាលើការធ្វើវិសោធនកម្មក្រមព្រហ្មទណ្ឌ ==================== នៅទីស្ដីការក្រសួងយុត្តិធម៌៖ នារសៀលថ្ងៃសុក្រ ១រោច ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៣ ខែមេសា ឆ្នាំ២០២៦, ឯកឧត្តម ផូវ សំភី សហប្រធាននៃក្រុមការងារបច្ចេកទេសទទួលបន្ទុករៀបចំធ្វើវិសោធនកម្មក្រមព្រហ្មទណ្ឌ បានអញ្ជើញដឹកនាំកិច្ចប្រជុំលើកទី៣៤ របស់ក្រុមការងារបច្ចេកទេស ដោយមានការចូលរួមពីសំណាក់ ឯកឧត្តម លោកជំទាវ លោក លោកស្រី ដែលជាអនុប្រធាន និងសមាជិក សមាជិកានៃក្រុមការងារ។ កិច្ចប្រជុំបានបន្តពិនិត្យ ពិភាក្សា និងកែសម្រួលឡើងវិញលើបទប្បញ្ញត្តិពាក់ព័ន្ធនឹងទោសឃុំខ្លួនក្នុងលំនៅឋាន បទឃាតកម្ម ស្ថានទម្ងន់នៃបទឃាតកម្ម ស្ថានទម្ងន់ទោសនៃអំពើហិង្សា ស្ថានទម្ងន់ទោសនៃបទធ្វើឱ្យខូចខាតដោយចេតនា ប្រឆាំងនឹងភ្នាក់ងារទូត និងកុងស៊ុល នៃព្រះរាជាណាចក្រកម្ពុជា។