公务员部推进内部职能改革 优化机构结构与效率

ក្រសួងមុខងារសាធារណៈ បន្តវិភាគមុខងារខ្លួនឯង និងជំរុញការរៀបចំលិខិតបទដ្ឋានគតិយុត្ត ដើម្បីពង្រឹងរចនាសម្ព័ន្ធ និងប្រសិទ្ធភាពស្ថាប័ន នារសៀលថ្ងៃទី២២ ខែកញ្ញា ឆ្នាំ២០២៦ ឯកឧត្តម យក់ ប៊ុនណា រដ្ឋលេខាធិការប្រចាំការ ក្រសួងមុខងារសាធារណៈ បានដឹកនាំកិច្ចប្រជុំពិភាក្សា​លើសេចក្តីព្រាងលិខិតបទដ្ឋានគតិយុត្តសំខាន់ៗ ដើម្បីកែលម្អរចនាសម្ព័ន្ធផ្ទៃក្នុង​របស់ក្រសួងមុខងារសាធារណៈ ស្របតាមអភិក្រម «ពង្រឹងជាជាងពង្រីក និងរៀបចំផ្ទះឱ្យរៀបរយ»។ កិច្ចប្រជុំនេះ ធ្វើឡើងក្រោយពេលដែលក្រុមការងារបច្ចេកទេសបានធ្វើវិភាគមុខងារ និងរចនាសម្ព័ន្ធផ្ទៃក្នុងរបស់ក្រសួងខ្លួនឯង ក្នុងគោលដៅធ្វើទំនើបកម្មស្ថាប័ន និងឆ្លើយតបនឹងការកែទម្រង់ស៊ីជម្រៅរបស់រាជរដ្ឋាភិបាល។ ការរៀបចំលិខិតបទដ្ឋានទាំងនេះ គឺជាជំហានយុទ្ធសាស្ត្រក្នុងការកំណត់មុខងារ និងរចនាសម្ព័ន្ធអង្គភាពនីមួយៗឱ្យបានច្បាស់លាស់ ជៀសវាងការជាន់តួនាទីគ្នា សំដៅលើកកម្ពស់គុណធិបតេយ្យ ការគ្រប់គ្រង និងការអភិវឌ្ឍធនធានមនុស្ស​ក្នុងវិស័យសាធារណៈ​កាន់តែប្រសើរ។