劳工部与英国AQA签署合作备忘录，旨在通过国际化评估标准提升

[来源: 柬埔寨国家电视台] [分类提示: NEWS] 标题: ក្រសួងការងារ និងសេវាកម្មវាយតម្លៃសកល AQA នៃចក្រភពអង់គ្លេស ចុះ MoU ពង្រឹងភាពជាដៃគូអភិវឌ្ឍជំនាញ និងការពង្រឹងគុណភាព TVET ដើម្បីលើកកម្ពស់ជំនាញកម្លាំងពលកម្មស្របតាមតម្រូវការឧស្សាហកម្ម និងបច្ចេកវិទ្យា (ភ្នំពេញ)៖ ឯកឧត្តម ហេង សួរ រដ្ឋមន្រ្តីក្រសួងការងារនិងបណ្តុះបណ្តាលវិជ្ជាជីវៈ បានអញ្ជើញទទួលជួបសម្តែងការគួរសម និងពិភាក្សាការងារជាមួយលោក ស៊ន ក្រូលី (Shaun Crowley) នាយកទទួលបន្ទុកកិច្ចការអន្តរជាតិនៃស្ថាប័នសេវាកម្មវាយតម្លៃសកល AQA (AQA Global Assessment Services) នារសៀលថ្ងៃទី២៩ ខែកញ្ញា ឆ្នាំ២០២៦ នៅទីស្តីការក្រសួង ដើម្បីផ្លាស់ប្តូរយោបល់លើការអភិវឌ្ឍវិស័យ TVET តាមរយៈការអភិវឌ្ឍកញ្ចប់ស្តង់ដាបណ្តុះបណ្តាល, ការវាយតម្លៃ និងធានាគុណភាព TVET, និងការបង្កើតបណ្តាញទំនាក់ទំនងរវាងគ្រឹះស្ថាន TVET នៅកម្ពុជា និងចក្រភពអង់គ្លេស ព្រមទាំងចុះហត្ថលេខាលើអនុស្សរណៈនៃការយោគយល់គ្នា (MoU) ស្តីពីកិច្ចសហប្រតិបត្តិការអភិវឌ្ឍជំនាញ។ នាឱកាសនោះ ឯកឧត្តមរដ្ឋមន្រ្តីបានស្វាគមន៍យ៉ាងកក់ក្តៅចំពោះលោក ស៊ន ក្រូលី និងសហការី ព្រមទាំងបានវាយតម្លៃខ្ពស់ចំពោះការប្តេជ្ញាចិត្តរបស់ AQA ក្នុងការបង្កើតភាពជាដៃគូជាផ្លូវការនេះ ដែលជាព្រឹត្តិការណ៍ដ៏សំខាន់ក្នុងការពង្រឹងកិច្ចសហប្រតិបត្តិការក្នុងវិស័យ TVET នៅកម្ពុជា។ លើសពីនេះ ភាពជាដៃគូនេះក៏ជាសក្ខីភាពមួយទៀតនៃសមិទ្ធផលដ៏សំខាន់នៃទំនាក់ទំនងនៃប្រទេសទាំងពីរ។ ឯកឧត្តមបានកោតសរសើរចំពោះឆន្ទៈរបស់ AQA ក្នុងកិច្ចខិតខំប្រឹងប្រែងនាំយកស្តង់ដានៅចក្រភពអង់គ្លេសមកចែករំលែកនៅកម្ពុជា។ ជាមួយគ្នានេះ ឯកឧត្តមបានលើកឡើងថា ការចូលរួមរបស់ស្ថាប័នអប់រំលំដាប់អន្តរជាតិរបស់ចក្រភពអង់គ្លេស គឺជាការរួមចំណែកដ៏សំខាន់មួយទៀតក្នុងការលើកកម្ពស់គុណភាព TVET និងស្តង់ដាជំនាញនៅកម្ពុជា ព្រមទាំងបង្កើនទំនុកចិត្តដល់ប្រជាជន និងនិយោជកលើជំនាញដែលទទួលបានតាមរយៈកម្មវិធី