卫生部戒毒治疗培训结业 两天 公私戒毒中心医护参训

ពិធីបិទវគ្គបណ្តុះបណ្តាលស្តីពី «ការថែទាំ និងព្យាបាលអ្នកញៀនគ្រឿងញៀន» ជូនវេជ្ជបណ្ឌិត និងគិលានុបដ្ឋាក បម្រើការងារនៅតាមមូលដ្ឋានសុខាភិបាល និងមជ្ឈមណ្ឌលព្យាបាល និងស្តារនីតិសម្បទាអ្នកញៀនគ្រឿងញៀនរដ្ឋ និងឯកជន។ — រាជធានីភ្នំពេញ៖ ថ្ងៃទី២៧ ខែតុលា ឆ្នាំ២០២៦ ឯកឧត្តមវេជ្ជបណ្ឌិត ឈុំ វណ្ណារិទ្ធ អនុរដ្ឋលេខាធិការក្រសួងសុខាភិបាល បានអញ្ជើញជាអធិបតីក្នុងពិធីបិទវគ្គបណ្តុះបណ្តាលស្តីពី «ការថែទាំ និងព្យាបាលអ្នកញៀនគ្រឿងញៀន» ជូនវេជ្ជបណ្ឌិត និងគិលានុបដ្ឋាក បម្រើការនៅតាមមូលដ្ឋានសុខាភិបាល និងមជ្ឈមណ្ឌលព្យាបាល និងស្តារនីតិសម្បទាអ្នកញៀនគ្រឿងញៀនរដ្ឋ និងឯកជន។ វគ្គនេះបានប្រព្រឹត្តទៅរយៈពេល ២ថ្ងៃ ចាប់ពីថ្ងៃទី២៦ ដល់ថ្ងៃទី២៧ ខែតុលា ឆ្នាំ២០២៦ ដោយមានសិក្ខាកាម ៤៦រូប មកពី ១២ រាជធានី ខេត្ត ក្នុងគោលបំណងពង្រឹងសមត្ថភាពក្នុងការផ្តល់សេវាថែទាំ និងព្យាបាលអ្នកមានបញ្ហាប្រើប្រាស់គ្រឿងញៀន។ ក្នុងឱកាសនោះ ឯកឧត្តមវេជ្ជបណ្ឌិត បានគូសបញ្ជាក់ថា ការបញ្ចប់វគ្គ គឺជាការចាប់ផ្តើម នៃការយកចំណេះដឹងទៅអនុវត្តជាក់ស្តែង ដោយផ្តល់សេវាផ្អែកលើភស្តុតាងវិទ្យាសាស្ត្រ និងស្តង់ដារបច្ចេកទេស ដោយគោរពសិទ្ធិ សេចក្តីថ្លៃថ្នូរ និងតម្រូវការរបស់អ្នកជំងឺ ព្រមទាំងពង្រឹងប្រព័ន្ធបញ្ជូន និងកិច្ចសហការរវាងសេវាពាក់ព័ន្ធ។ ឯកឧត្តមបានសង្កត់ធ្ងន់ថា ជោគជ័យនៃការបណ្តុះបណ្តាល ត្រូវវាស់តាមសមត្ថភាពអ្នកផ្តល់សេវា ការកែលម្អគុណភាពសេវា និងលទ្ធផល នៃការថែទាំអ្នកជំងឺ និងបានណែនាំឱ្យបន្តការគាំទ្របច្ចេកទេស ការត្រួតពិនិត្យគ្លីនិក និងការតាមដានការអនុវត្តក្រោយវគ្គ ដើម្បីឱ្យលទ្ធផលដែលទទួលបានផ្តល់ផលប្រយោជន៍ជាក់ស្តែង ដល់អ្នកជំងឺ គ្រួសារ និងសហគមន៍។ **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter)](https://x.com/MohCambodia) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)