柬埔寨参议院团结大厦落成 象征国家历史与现代融合

ព្រះករុណា ព្រះបាទសម្តេចព្រះបរមនាថ នរោត្តម សីហមុនី មានព្រះរាជបន្ទូលថា «វិមានសាមគ្គីភាព» ដែលជាអគារថ្មីនៃព្រឹទ្ធសភា គឺជានិមិត្តរូបនៃការតភ្ជាប់មោទនភាពរបស់កម្ពុជាបច្ចុប្បន្ន ទៅនឹងភាពថ្កុំថ្កើងរុងរឿងរបស់មហាអាណាចក្រខ្មែរនាពេលអតីតកាល។ ព្រះអង្គបានមានព្រះរាជបន្ទូលថា អគារនេះមិនត្រឹមតែជានិមិត្តរូបនៃសាមគ្គីភាពជាតិប៉ុណ្ណោះទេ ប៉ុន្តែថែមទាំងជួយលើកកម្ពស់កិត្យានុភាពជាតិនៅលើឆាកអន្តរជាតិ និងបន្ថែមសោភ័ណភាពដល់តំបន់វិមានរដ្ឋចំការមន ដែលជាកេរដំណែលស្ថាបត្យកម្ម និងប្រវត្តិសាស្ត្រដ៏មានតម្លៃរបស់កម្ពុជា។ ព្រះមហាក្សត្របានកោតសរសើរ និងថ្លែងអំណរគុណដល់ សម្តេចតេជោ ហ៊ុន សែន ប្រធានព្រឹទ្ធសភា ដែលបានផ្តួចផ្តើមគំនិត និងដឹកនាំការកសាង «វិមានសាមគ្គីភាព» ដែលត្រូវបានសាងសង់ក្នុងទម្រង់សិល្បៈស្ថាបត្យកម្មខ្មែរ។ ព្រះអង្គបានបញ្ជាក់ថា សាមគ្គីភាពជាតិ និងការបង្រួបបង្រួមជាតិ គឺជាសសរទ្រូងដ៏រឹងមាំនៃសន្តិភាព ស្ថិរភាព និងការរីកចម្រើនប្រកបដោយចីរភាពរបស់កម្ពុជា។ ព្រះមហាក្សត្រក៏បានថ្លែងអំណរគុណ និងកោតសរសើរដល់វីរយុទ្ធជនកម្ពុជាគ្រប់រូប និងប្រជាពលរដ្ឋទូទាំងប្រទេស ដែលបានរួមចំណែករក្សាសាមគ្គីភាពជាតិ និងការពារជាតិ អធិបតេយ្យភាព និងបូរណភាពទឹកដីកម្ពុជា៕ [**Join AMS One-minute**](https://t.me/ams1minute)