受印尼森林火灾影响，烟霾随气流扩散至越南南部及柬埔寨东部地区

​គុណភាពខ្យល់នៅកម្ពុជា និងភាគខាងត្បូងវៀតណាមធ្លាក់ចុះ ដោយសារផ្សែងពីភ្លើងឆេះព្រៃនៅឥណ្ឌូណេស៊ី គុណភាពខ្យល់នៅតំបន់ភាគខាងកើតនៃប្រទេសកម្ពុជា និងភាគខាងត្បូងប្រទេសវៀតណាម បានធ្លាក់ចុះគួរឱ្យកត់សម្គាល់ នៅព្រឹកថ្ងៃអង្គារ ទី ១៥ ខែកញ្ញានេះ ដោយសារតែការផ្លាស់ប្ដូរនៃលំនាំធាតុអាកាសតំបន់ ដែលនាំយកផ្សែងយ៉ាងក្រាស់ក្រែលពីភ្លើងឆេះព្រៃធ្ងន់ធ្ងរនៅប្រទេសឥណ្ឌូណេស៊ី។ រូបភាពពីលើផ្កាយរណបជប៉ុន Himawari គិតត្រឹមម៉ោង ៩ បានបង្ហាញយ៉ាងច្បាស់ពីខ្សែផ្សែងអ័ព្ទពុលយ៉ាងក្រាស់ ដែលហុយឃ្មួលខ្មាញ់ចេញពីភ្លើងឆេះព្រៃនៅលើកោះបរនេអូ និងកោះស៊ូម៉ាត្រា នៃប្រទេសឥណ្ឌូណេស៊ី។ ខ្សែផ្សែងដ៏ធំសម្បើមនេះ បាន​វាយលុកបរិយាកាសតំបន់ ដោយរសាត់រាប់ពាន់គីឡូម៉ែត្រពីតំបន់ភ្លើងឆេះ ចូលទៅក្នុងសមុទ្រចិនខាងត្បូង ឈូងសមុទ្រថៃ ហើយរំកិលខ្លួនមកគ្របដណ្តប់លើភាគខាងត្បូងប្រទេសវៀតណាម និងបន្តចូលមកភាគខាងកើត និងខាងត្បូងប្រទេសកម្ពុជា។ [📲 Telegram](https://t.me/kptnews) | [YouTube](https://www.youtube.com/@tvkampucheathmey) | [X (Twitter](https://x.com/KPT_Daily))