柬埔寨司法部长出席最高法院法官父亲葬礼

ឯកឧត្តមឧបនាយករដ្ឋមន្ត្រី កើត រិទ្ធ អញ្ជើញចូលរួមរំលែកមរណទុក្ខ និងគោរពវិញ្ញាណក្ខន្ធឧបាសក គង់ តារា ដែលត្រូវជាឪពុកបង្កើតរបស់ឯកឧត្តម គង់ តារាឆាត ចៅក្រមតុលាការកំពូល ===================== នារសៀលថ្ងៃអង្គារ ១២កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៥ ខែសីហា ឆ្នាំ២០២៦ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាសមាជិកទី១ នៃឧត្តមក្រុមប្រឹក្សានៃអង្គចៅក្រម អមដំណើរដោយសមាជិកឧត្តមក្រុមប្រឹក្សានៃអង្គចៅក្រម ថ្នាក់ដឹកនាំក្រសួងយុត្តិធម៌ ព្រមទាំងថ្នាក់ដឹកនាំ និងមន្ត្រីនៃស្ថាប័នតុលាការ បានអញ្ជើញចូលរួមរំលែកមរណទុក្ខ និងគោរពវិញ្ញាណក្ខន្ធឧបាសក គង់ តារា ដែលត្រូវជាឪពុកបង្កើតរបស់ឯកឧត្តម គង់ តារាឆាត ចៅក្រមតុលាការកំពូល ដែលបានទទួលមរណភាពដោយជរាពាធ កាលពីថ្ងៃអាទិត្យ ទី២៣ ខែសីហា ឆ្នាំ២០២៦ ក្នុងជន្មាយុ ៨៦ឆ្នាំ។ ក្នុងក្ដីវិយោគដ៏សែនសោកសង្រេងស្ទើររកទីបំផុតគ្មាននេះ ឯកឧត្តមឧបនាយករដ្ឋមន្ត្រី និងប្រតិភូអម សូមចូលរួមរំលែកនូវមរណទុក្ខដ៏សែនក្រៀមក្រំ ប្រកបដោយសេចក្ដីស្រណោះអាឡោះអាល័យ ចំពោះការបាត់បង់ដ៏មហាសែនធំធេងក្នុងជីវិតនូវឪពុកបង្កើត ឪពុកក្មេក និងជីតាជាទីគោរពស្រឡាញ់បំផុត ដែលប្រកបដោយសង្គហធម៌ដ៏ជ្រាលជ្រៅ និងព្រហ្មវិហារធម៌មិនចេះរីងស្ងួតចំពោះកូនចៅទាំងអស់ ដែលក្នុងមួយឆាកជីវិតរបស់ឧបាសក គង់ តារា លោកតែងតែបានអប់រំ ទូន្មាន និងប្រៀនប្រដៅកូនចៅទាំងអស់ឱ្យក្លាយជាមូលធនមនុស្សដ៏សំខាន់សម្រាប់សង្គមជាតិ។ ជាមួយគ្នានេះ ឯកឧត្តមឧបនាយករដ្ឋមន្ត្រី និងប្រតិភូអម សូមឧទ្ទិសបួងសួងសូមឱ្យដួងវិញ្ញាណក្ខន្ធរបស់ឧបាសក គង់ តារា សូមឆាប់បានចាប់បដិសន្ធិនៅទីឋានបរមសុខក្នុងសុគតិភព កុំបីឃ្លៀងឃ្លាតឡើយ។