磅通省磅斯瓦县警方破获一起入室盗窃案 嫌犯被捕

កម្លាំងនគរបាលស្រុកកំពង់ស្វាយ ក្របួចជនសង្ស័យម្នាក់ ពាក់ព័ន្ធករណីគាស់ផ្ទះលួចទ្រព្យសម្បត្តិប្រជាពលរដ្ឋ... ដោយមានការបញ្ជាដឹកនាំពីលោកឧត្តមសេនីយ៍ទោ ហេង សុផល ស្នងការនគរបាលខេត្តកំពង់ធំ និងលោកអភិបាលស្រុកកំពង់ស្វាយ ព្រមទាំងដឹកនាំប្រតិបត្តិការផ្ទាល់ដោយលោកវរសេនីយ៍ទោ កែ កញ្ចនា អធិការនគរបាលស្រុកកំពង់ស្វាយ កម្លាំងជំនាញបានចុះស្រាវជ្រាវ និងបង្ក្រាបករណីចោរគាស់ផ្ទះលួចទ្រព្យសម្បត្តិប្រជាពលរដ្ឋបានម្នាក់។ ប្រតិបត្តិការនេះធ្វើឡើង បន្ទាប់ពីកម្លាំងនគរបាលទទួលបានព័ត៌មានសំខាន់ពីប្រជាពលរដ្ឋល្អ ស្តីពីសកម្មភាពរបស់ក្រុមជនសង្ស័យ ដែលតែងតែធ្វើសកម្មភាពចូលលួច និងគាស់ផ្ទះប្រជាពលរដ្ឋជាបន្តបន្ទាប់ នៅក្នុងភូមិរមាំងងាប់ ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ។ ក្រោយទទួលបានព័ត៌មាន កម្លាំងអធិការដ្ឋាននគរបាលស្រុកកំពង់ស្វាយ បានបើកការស្រាវជ្រាវយ៉ាងយកចិត្តទុកដាក់ រហូតឈានដល់ការបង្ក្រាប និងក្របួចបានជនសង្ស័យម្នាក់ នៅថ្ងៃទី២៥ ខែសីហា ឆ្នាំ២០២៦។ បច្ចុប្បន្ន ជនសង្ស័យត្រូវបាននាំមកកាន់អធិការដ្ឋាននគរបាលស្រុកកំពង់ស្វាយ ដើម្បីសាកសួរ និងកសាងសំណុំរឿងតាមនីតិវិធីច្បាប់ កម្លាំងសមត្ថកិច្ចក៏កំពុងបន្តស្រាវជ្រាវស្វែងរកបក្ខពួកដែលអាចពាក់ព័ន្ធ ដើម្បីយកមកផ្តន្ទាទោសតាមច្បាប់។ សូមអរគុណដល់ប្រជាពលរដ្ឋដែលបានចូលរួមផ្តល់ព័ត៌មានជូនសមត្ថកិច្ច ដែលជាកត្តាសំខាន់ក្នុងការរក្សាសន្តិសុខ សណ្តាប់ធ្នាប់ និងការពារទ្រព្យសម្បត្តិរបស់ប្រជាពលរដ្ឋ៕ (ពីខ្ញុំប៊ុនធឿនហៅខ្លាពី)