德崇扶南运河11个施工点11月开工 需7000名劳动力

វីដេអូ៖ លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា បានថ្លែងថា នៅរដូវប្រាំងក្នុងអំឡុងខែវិច្ឆិកា ឆ្នាំ២០២៦ខាងមុខនេះ ក្រុមហ៊ុនដែលទទួលបន្ទុកសាងសង់គម្រោងគ្រប់គ្រងធនធានទឹកចម្រុះហ្វូណនតេជោ នឹងបើកការដ្ឋានសាងសង់ចំនួន ១១ទីតាំង ក្នុងពេលតែមួយ ដែលត្រូវការកម្លាំងពលកម្មជាង ៧ពាន់នាក់ ខណៈបច្ចុប្បន្នការងារសាងសង់នៅតែបន្តអនុវត្តជាធម្មតា ដោយមិនមានការផ្អាកឡើយ។ លោកឧបនាយករដ្ឋមន្ត្រី បានគូសបញ្ជាក់ថា ក្រុមការងារតាមរយៈក្រសួងសេដ្ឋកិច្ច និងហិរញ្ញវត្ថុ បានដោះស្រាយផលប៉ះពាល់ជូនប្រជាពលរដ្ឋបានប្រវែង ២២គីឡូម៉ែត្ររួចហើយ។ ទន្ទឹមនឹងនេះ ការងារសាងសង់ និងការដោះស្រាយផលប៉ះពាល់នៅតែបន្តអនុវត្តជាបន្តបន្ទាប់ ដោយធានាសមភាព និងផ្អែកតាមតម្លៃទីផ្សារជាក់ស្តែង។ ការលើកឡើងនេះ ធ្វើឡើងក្នុងឱកាសដែលលោកឧបនាយករដ្ឋមន្ត្រី បានដឹកនាំក្រុមការងារ ចុះពិនិត្យវឌ្ឍនភាពការងារសាងសង់គម្រោងគ្រប់គ្រងធនធានទឹកចម្រុះហ្វូណនតេជោ កំណាត់ទី២ ស្ថិតនៅភូមិត្រើយឃ្លោក ឃុំដូងខ្ពស់ ស្រុកបូរីជលសារ ខេត្តតាកែវ នាថ្ងៃទី១៦ ខែឧសភា ឆ្នាំ២០២៦។នា