司法部官员为外交部新入职人员开展法律培训

ឯកឧត្តមបណ្ឌិត ឃ្លោក ដារ៉ា ប្រតិភូរាជរដ្ឋាភិបាល និងជាអគ្គនាយកនៃអគ្គនាយកដ្ឋានកិច្ចការអន្តរជាតិ និងអភិវឌ្ឍន៍វិស័យយុត្តិធម៌ នៃក្រសួងយុត្តិធម៌ បានអញ្ជើញចូលរួមជាគ្រូឧទ្ទេសក្នុងវគ្គបណ្តុះបណ្តាលមន្រ្តីក្របខណ្ឌថ្មីឆ្នាំ២០២៦ នៃក្រសួងការបរទេស និងសហប្រតិបត្តិការអន្តរជាតិ ===================== ទីស្តីការក្រសួងការបរទេសនិងសហប្រតិបត្តិការអន្តរជាតិ: នាព្រឹកថ្ងៃពុធ ៥កើត ខែភទ្របទ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១៦ ខែកញ្ញា ឆ្នាំ២០២៦, ដោយទទួលបានការអនុញ្ញាតដ៏ខ្ពង់ខ្ពស់ពីឯកឧត្តម កើត រិទ្ធ ឧបនាយករដ្ឋមន្រ្តី រដ្ឋមន្រ្តីក្រសួងយុត្តិធម៌ ឯកឧត្តមបណ្ឌិត ឃ្លោក ដារ៉ា ប្រតិភូរាជរដ្ឋាភិបាល និងជាអគ្គនាយកនៃអគ្គនាយកដ្ឋានកិច្ចការអន្តរជាតិ និងអភិវឌ្ឍន៍វិស័យយុត្តិធម៌នៃក្រសួងយុត្តិធម៌ បានអញ្ជើញចូលរួមជាគ្រូឧទ្ទេស និងធ្វើបទបង្ហាញលើប្រធានបទស្តីពី ‘‘សិទ្ធិមនុស្ស និងប្រព័ន្ធយុត្តិធម៌កម្ពុជា’’ ក្នុងវគ្គបណ្តុះបណ្តាលមន្រ្តីក្របខណ្ឌថ្មីឆ្នាំ២០២៦ ដែលទើបប្រឡងជាប់ជាស្ថាពរ ក្នុងក្របខណ្ឌក្រសួងការបរទេស និងសហប្រតិបត្តិការអន្តរជាតិ ចំនួន ៥២ រូបដែលរៀបចំដោយវិទ្យាស្ថានជាតិការទូត និងទំនាក់ទំនងអន្តរជាតិ។ ក្នុងកិច្ចបទបង្ហាញនេះ ឯកឧត្តមបណ្ឌិត បានលើកឡើងនូវខ្លឹមសារសំខាន់ៗដូចជា៖ ១). សិទ្ធិមនុស្សក្នុងក្របខណ្ឌច្បាប់ ២). ទំនាក់ទំនងរវាងក្រសួងយុត្តិធម៌ និងស្ថាប័នតុលាការ ៣). បច្ចុប្បន្នភាពការងារនៃការកែទម្រង់ប្រព័ន្ធយុត្តិធម៌ និង៤). សិល្បៈក្នុងការទូតផ្នែកច្បាប់។