WING银行6月18日全柬网点休假 核心网点照常营业

គណៈគ្រប់គ្រង និងបុគ្គលិក នៃធនាគារ វីង សូមក្រាបបង្គំថ្វាយព្រះពរ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ក្នុងឱកាសព្រះរាជពិធីបុណ្យចម្រើនព្រះជន្ម គម្រប់ 90 យាងចូល 91 ព្រះវស្សា។ សូមព្រះមហាក្សត្រី មានព្រះរាជសុខភាពល្អបរិបូរ ព្រះកាយពលមាំមួន ព្រះជន្មាយុយឺនយូរជាងរយព្រះវស្សា ដើម្បីគ្រងជាម្លប់ដ៏ត្រជាក់ដល់ប្រជាជនខ្មែរទូទាំងប្រទេស។ នាឱកាសដ៏មហានក្ខត្តឫក្សនេះ គ្រប់សាខារបស់ធនាគារ វីង ទាំងអស់នឹងឈប់សម្រាក នៅថ្ងៃទី 18 ខែមិថុនា ឆ្នាំ 2026 ហើយនឹងបើកដំណើរការជាធម្មតាវិញនៅ ថ្ងៃទី 19 ខែមិថុនា ឆ្នាំ 2026 ។ ដោយឡែកស្នាក់ការកណ្ដាល (អគារធនាគារ វីងថៅវើ), សាខាបឹងកេងកង, សាខា 7 មករា, សាខាទួលគោក, សាខាភ្នំពេញថ្មី, សាខាវត្តភ្នំ, សាខាអ៊ីអនម៉លមានជ័យ, សាខាអូបែកក្អម, សាខាកំបូល, សាខាទឹកថ្លា និងសាខាក្រុងព្រះសីហនុ នឹងនៅបម្រើសេវាកម្មជូនលោកអ្នកជាធម្មតា។ លោកអ្នកនៅតែអាចរីករាយជាមួយការធ្វើប្រតិបត្តិការសាច់ប្រាក់បានយ៉ាងងាយស្រួលនៅតាមអេប Wing Bank, ម៉ាស៊ីន ATMs (Wing 24/7) ឬ និងនៅតាមភ្នាក់ងារធនាគារ វីង ទូទាំងប្រទេស។ សម្រាប់ចម្ងល់ផ្សេងៗ ឬមានតម្រូវការបន្ទាន់ណាមួយ សូមទាក់ទងមកកាន់ផ្នែកបម្រើសេវាអតិថិជនរបស់យើងតាមរយៈហ្វេសប៊ុកផេក ផ្លូវការរបស់ធនាគារ វីង ឬតាមមុខងារ “បតជំនួយ” របស់យើងដែលមាននៅលើអេប Wing Bank។ សូមអរគុណសម្រាប់ការប្រើប្រាស់សេវារបស់ធនាគារ វីង។ #WingBank #QueenMothersBirthday #BranchClosureNotice