2026年TVET职业技能展将于6月15日至16日在钻石岛会

ធនាគារ វីង មានមោទនភាពក្នុងការចូលរួមជាម្ចាស់ឧបត្ថម្ភធំកម្រិត Diamond ក្នុងទិវាជាតិបណ្តុះបណ្តាលបច្ចេកទេស និងវិជ្ជាជីវៈ (TVET) 2026 ក្រោមប្រធានបទ «TVET ផ្ដល់ជំនាញ ការងារ និងប្រាក់ចំណូល» ដែលរៀបចំឡើងដោយក្រសួងការងារ និងបណ្តុះបណ្តាលវិជ្ជាជីវៈ។ ព្រឹត្តិការណ៍ដ៏ពិសេសនេះនឹងប្រព្រឹត្តទៅនៅថ្ងៃទី 15–16 ខែមិថុនា ឆ្នាំ​ 2026 ខាងមុខនេះ នៅមជ្ឈមណ្ឌលសន្និបាត និងពិព័រណ៍កោះពេជ្រ ក្នុងគោលបំណងផ្ដល់ឱកាសបណ្ដុះបណ្ដាលជំនាញដល់យុវជនមកពីគ្រួសារក្រីក្រ និងគ្រួសារងាយរងហានិភ័យ។ តាមរយៈការចូលរួមនេះ យើងជឿជាក់យ៉ាងមុតមាំថា ការអប់រំ និងការបណ្តុះបណ្តាលបច្ចេកទេស និងវិជ្ជាជីវៈ នឹងជួយអភិវឌ្ឍធនធានមនុស្សឱ្យកាន់តែមានជំនាញច្បាស់លាស់ បង្កើតឱកាសការងារដ៏សម្បូរបែប និងរួមចំណែកជំរុញកំណើនសេដ្ឋកិច្ចរបស់ប្រទេសកម្ពុជាទៅថ្ងៃអនាគត។ សាធារណជនទាំងអស់អាចអញ្ជើញចូលរួមដោយសេរី ដើម្បីទទួលបានព័ត៌មានអាហាររូបករណ៍ អាចចុះឈ្មោះរៀនភ្លាមៗបានដោយផ្ទាល់ ព្រមទាំងអាចដាក់ពាក្យស្វែងរកការងារបានភ្លាមៗផងដែរ។ លោកអ្នកក៏អាចចូលរួមកម្សាន្តនៅស្តង់របស់ធនាគារ វីង ក្នុងពិព័រណ៍នេះ ដែលមានកម្មវិធីពិសេសៗជាច្រើន ទាំងការដាក់ពាក្យ និងការប្រឹក្សាការងារ ព្រមទាំងការលេងហ្គេមកម្សាន្តទទួលរង្វាន់ជាច្រើនថែមទៀតផង។ កុំភ្លេចណា ជួបគ្នានៅកោះពេជ្រ! #WingBank #Sponsorship #TVET #CareerFair2026