腊塔纳基里省大象博瓦病情恶化 疑因强降雨导致食物中毒

គួរឱ្យបារម្ភ! មានរបួសស្រាប់ ដំរី«បុកវ៉ា» ធ្លាក់ខ្លួនឈឺថែមទៀតដោយអាការល្ហិតល្ហៃ អស់កម្លាំងនិងមិនសូវស៊ីចំណី ​ ដំរី«បុកវ៉ា» ដែលស្ថិតក្រោមការមើលថែរបស់ សមាគម អៃរ៉ាវាតា ក្នុងខេត្តរតនគិរី បានធ្លាក់ខ្លួនឈឺ ដ៏គួរឱ្យបារម្ភបន្ថែមលើបញ្ហារបួសជើងស្រាប់ទៀតនោះ។ សមាគមអៃរ៉ាវាតា បញ្ជាក់ថា ពេលនេះ «បុកវ៉ា» មានរោគសញ្ញាដូចជា ល្ហិតល្ហៃ អស់កម្លាំង និងមិនសូវស៊ីចំណី។ ដ្បិតបច្ចុប្បន្ន «បុកវ៉ា» កំពុងទទួលការព្យាបាល ប៉ុន្តែកត្តាដែលគួរឱ្យបារម្ភ គឺ ដំរីមួយក្បាលនេះ ទម្លាប់មិនស៊ី(បោះចោល)ល្ពៅដែលមានបង្កប់ថ្នាំពេទ្យ នៅក្នុងនោះចេញ។ ជុំវិញ ការធ្លាក់ខ្លួនរបស់ដំរីឈ្មោល ដ៏ធ្លាប់តែមានសុខភាព មាំទាំរបស់ខ្លួន សមាគមអៃរ៉ាវាតា ដាក់ការសង្ស័យលើ ជាតិពុល នៅក្នុងចំណី ដែលបណ្តាលមកពី ភ្លៀងធ្លាក់ខ្លាំងប៉ុន្មានថ្ងៃនេះ នៅក្នុងខេត្តភាគឦសានមួយនេះ។ «តើវាអាចបណ្តាលមកពីភ្លៀងធ្លាក់ខ្លាំងប៉ុន្មានថ្ងៃនេះ ដែលនាំឱ្យមានជាតិពុល នៅក្នុងចំណី របស់ ពួកវាដែរឬទេ?»។ សមាគមអៃរ៉ាវាតា ដាក់ជាចម្ងល់បែបនេះ មុននឹងបញ្ជាក់ថា ក្រុមគ្រូពេទ្យសត្វអន្តរជាតិ (Animal Doctors International) នឹងយកសំណាកលាមករបស់បុកវ៉ា យកទៅពិនិត្យរកមើលប៉ារ៉ាស៊ីត តាមការណែនាំរបស់លោកបណ្ឌិតជំនាញ Roopan Navaneetha Krishnan។