柬埔寨司法部与中国公安部代表举行工作会谈

ឯកឧត្តម សាង តូនិច អនុរដ្ឋលេខាធិការក្រសួងយុត្តិធម៌ បានជួបជាមួយលោក Yao Jianbo និងលោក Wang Gang តំណាងក្រសួងសន្តិសុខសាធារណៈនៃសាធារណរដ្ឋប្រជាមានិតចិន និងសហការី ដើម្បីពិភាក្សាការងារ ==================== ទីស្តីការក្រសួងយុត្តិធម៌៖ នៅរសៀលថ្ងៃសុក្រ ៨រោច ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១០ ខែមេសា ឆ្នាំ២០២៦ ឯកឧត្តម សាង តូនិច អនុរដ្ឋលេខាធិការក្រសួងយុត្តិធម៌ បានទទួលជួបលោក Yao Jianbo និងលោក Wang Gang តំណាងក្រសួងសន្តិសុខសាធារណៈនៃសាធារណរដ្ឋប្រជាមានិតចិន និងសហការី ដើម្បីពិភាក្សាការងារពាក់ព័ន្ធនឹងកិច្ចសហប្រតិបត្តិការផ្នែកច្បាប់ក្នុងវិស័យព្រហ្មទណ្ឌរវាងព្រះរាជាណាចក្រកម្ពុជា និងសាធារណរដ្ឋប្រជាមានិតចិន។ ជំនួបនេះក៏មានការចូលរួមពីមន្រ្តីជំនាញនៃនាយកដ្ឋានទំនាក់ទំនងអន្តរជាតិ និងសហប្រតិបត្តិការផ្នែកច្បាប់នៃក្រសួងយុត្តិធម៌ និងតំណាងស្ថានទូតនៃសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជាផងដែរ។