钻石岛万人慈善跑圆满落幕 3000余人参与推广金融知识

ការតុបតែងខ្លួនប្លែកៗក៏ទទួលបានរង្វាន់ពីកម្មវិធីរត់ «១ម៉ឺនជំហាន ដើម្បីសិស្ស ១ម៉ឺននាក់» ភ្នំពេញ៖ អ្នកចូលរួមរត់កម្សាន្តក្នុងកម្មវិធី «១ម៉ឺនជំហាន ដើម្បីសិស្ស ១ម៉ឺននាក់» មួយចំនួនតុបតែងខ្លួនប្លែកៗ បង្កើតបរិយាកាសរត់ឱ្យកាន់តែមានភាពសប្បាយរីករាយ។ អ្នករត់ទាំងនោះខ្លះពាក់អាវតំណាងគ្រូចិនចាប់ខ្មោច ខ្លះតែងខ្លួនជាខ្មោចឆៅដូចក្នុងរឿងចិន ខ្លះទៀតតែងខ្លួនជាសិស្សនិស្សិតមករត់កម្សាន្ត។ ការរត់ដោយតែងខ្លួនប្លែកៗនេះដែរ ក៏ត្រូវបានផ្តល់រង្វាន់ការតុបតែងខ្លួនល្អជាងគេប្រចាំកម្មវិធីដែរ។ កម្មវិធីរត់ «១ម៉ឺនជំហាន ដើម្បីសិស្ស ១ម៉ឺននាក់» រៀបចំឡើងដោយ ក្រសួងអប់រំ យុវជន និងកីឡា គណៈកម្មាធិការជាតិអូឡាំពិកកម្ពុជា សារមន្ទីរសេដ្ឋកិច្ច និងរូបិយវត្ថុ ព្រះស្រីឦសានវរ័្មន (ស.ស.រ) និងគ្រឹះស្ថានមីក្រូហិរញ្ញវត្ថុ អម្រឹត ក្នុងគោលបំណងលើកកម្ពស់ការអាន និងចំណេះដឹងផ្នែករូបិយវត្ថុខ្មែរ។ កម្មវិធីរត់កម្សាន្ត «១ម៉ឺនជំហាន ដើម្បីសិស្ស ១ម៉ឺននាក់» នៅថ្ងៃទី៣១ ឧសភា នេះរៀបចំឡើងនៅកោះពេជ្រ ហើយមានអ្នកចូលរួមរត់ជាង ៣ពាន់នាក់ រត់លើវិញ្ញាសាចំនួន ៣ រួមមាន ១០គីឡូម៉ែត្រ ៥គីឡូម៉ែត្រ និង ២.៥គីឡូម៉ែត្រ។