2026年柬埔寨新年期间西哈努克省游客人数同比下降4.67%

ភ្ញៀវទេសចរមកព្រះសីហនុ ថយចុះ ៤,៦៧% ក្នុងឱកាសចូលឆ្នាំខ្មែរ ២០២៦ បើធៀបឆ្នាំមុន ព្រះសីហនុ៖ ប្រធានមន្ទីរទេសចរណ៍ខេត្តព្រះសីហនុ លោក តាំង សុចិត្ត គ្រឹះស្នា បានឱ្យដឹងនារសៀលថ្ងៃទី១៧ មេសា ថា ក្នុងរយៈពេល៣ថ្ងៃ នៃពិធីបុណ្យចូលឆ្នាំថ្មីប្រពៃណីខ្មែរ ចាប់ពីថ្ងៃទី១៤ ដល់ថ្ងៃទី១៦ ខែមេសា ឆ្នាំ២០២៦ ខេត្តព្រះសីហនុទទួលបានភ្ញៀវទេសចរសរុប ៤០៩,៣៥៨នាក់ ថយចុះ ៤,៦៧% បើប្រៀបធៀបនឹងឆ្នាំ២០២៥។ ក្នុងចំណោមភ្ញៀវសរុបនោះ មានភ្ញៀវជាតិចំនួន ៣៩៩,៧០៦នាក់ ថយចុះ ៤,០៦% ខណៈភ្ញៀវបរទេសមាន ៩,៦៥២នាក់ ថយចុះ ២៤,៥២%។ ដោយឡែក ភ្ញៀវទៅកម្សាន្តតាមបណ្តាឆ្នេរ និងរមណីយដ្ឋាននានា មានចំនួន ៤០៤,៦០៧នាក់ ថយចុះ ៥,០៨% ក្នុងនោះភ្ញៀវជាតិ ៣៩៧,៤៤៩នាក់ និងភ្ញៀវបរទេស ៧,១៥៨នាក់។ សម្រាប់ការធ្វើដំណើរតាមអាកាសយានដ្ឋានអន្តរជាតិព្រះសីហនុ មានជើងហោះហើរសរុប ១៣ជើង កើនឡើង ៥ជើងពីឆ្នាំមុន ដោយមានភ្ញៀវសរុប ១,១៧១នាក់ កើនឡើង ៨៣,២៥% ក្នុងនោះ ភ្ញៀវអន្តរជាតិមាន ១,១៦២នាក់។ ចំណែកភ្ញៀវទេសចរទៅកម្សាន្តតាមបណ្តាកោះនានា មានសរុប ៣,៥៨០នាក់ កើនឡើង ៤១% ក្នុងនោះភ្ញៀវជាតិ ២,២៤៨នាក់ និងភ្ញៀវបរទេស ១,៣៣២នាក់៕