司法部启动2026至2030年女孩领导力项目 旨在培养人力资

លោកជំទាវ ប៉ែន សុមេធា រដ្ឋលេខាធិការក្រសួងយុត្តិធម៌ និងជាប្រធានគណៈកម្មាការយេនឌ័រប្រចាំក្រសួងយុត្តិធម៌ និងលោកជំទាវ ម៉ៅ ភិរុណ អនុរដ្ឋលេខាធិការ និងជាអនុប្រធានគណៈកម្មាការយេនឌ័រប្រចាំក្រសួងយុត្តិធម៌ បានអញ្ជើញចូលរួមពិធីប្រកាសដាក់ឱ្យអនុវត្តជាផ្លូវការ «កម្មវិធីភាពជាអ្នកដឹកនាំរបស់ក្មេងស្រី ឆ្នាំ២០២៦-២០៣០» ===================== នាព្រឹកថ្ងៃពុធ ទី២៤ ខែមិថុនា ឆ្នាំ២០២៦ នៅសណ្ឋាគាររ៉េស៊ីដង់សុខាភ្នំពេញ រាជធានីភ្នំពេញ លោកជំទាវ ប៉ែន សុមេធា រដ្ឋលេខាធិការក្រសួងយុត្តិធម៌ និងជាប្រធានគណៈកម្មាការយេនឌ័រប្រចាំក្រសួងយុត្តិធម៌ និងលោកជំទាវ ម៉ៅ ភិរុណ អនុរដ្ឋលេខាធិការក្រសួងយុត្តិធម៌ និងជាអនុប្រធានគណៈកម្មាការយេនឌ័រប្រចាំក្រសួងយុត្តិធម៌ ព្រមទាំងក្រុមការងារគណៈកម្មាការយេនឌ័រប្រចាំក្រសួងយុត្តិធម៌ បានអញ្ជើញចូលរួមដោយផ្ទាល់ និងតាមរយៈប្រព័ន្ធអនឡាញ ក្នុងពិធីប្រកាសដាក់ឱ្យអនុវត្តជាផ្លូវការ «កម្មវិធីភាពជាអ្នកដឹកនាំរបស់ក្មេងស្រី ឆ្នាំ២០២៦-២០៣០» ក្នុងគោលបំណងបង្កើតកម្លាំងរួមក្នុងការអនុវត្តកម្មវិធីភាពជាអ្នកដឹកនាំរបស់ក្មេងស្រី និងលើកកម្ពស់ការចូលរួមពីដៃគូនិងអ្នកពាក់ព័ន្ធ ក្នុងការលើកកម្ពស់បរិយាកាសអំណោយផលប្រកបដោយបរិយាបន្ន ដែលអនុញ្ញាតឱ្យក្មេងស្រីបានបណ្តុះ និងអភិវឌ្ឍភាពជាអ្នកដឹកនាំដើម្បីក្លាយជាមូលធនមនុស្ស និងពង្រឹងភាពជាពលរដ្ឋក្នុងសង្គមដែលមានអារ្យធម៌ខ្ពស់។